Yith 47:1 - JAM DE NHIALIC 2011

¹ Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Yith 47:1 ပူးပေါင်းရင်းမြစ်များ

Jop 2:13

Agokï rëër në yen piny në nïn kadhorou, ke cïn raan jam ke yen, në luɔi ë cï kek këde tïŋ ke ye gök de tɔ̈ɔ̈k.

Jop 2:8

Ku nɔ̈m Jop abɔ̈c ku le nyuc ë ŋethic ke ɣɔt rɔt.

Diɛt 137:8

Babilon, yïn bïï riɔ̈ɔ̈k. Thieithieei në kɔc ee yïn luöi këtuc, në biäk de kë cï luöi wook,

Diɛt 18:27

Yïn ee kɔc cï röt kuɔɔr piny kony, ku Ye kɔc ee röt lɛɛc kuɔɔr piny.

Diɛt 89:44

Yïn cï thienydɛn ë bääny bɛ̈ɛ̈i bei në yeciin, ku dɛɛnyë bäänyde piny.

Yith 13:1

Kënë ee jam në biäk de Babilon, jam wään cïï Nhialic gäm Yithaya wën de Amodh.

Yith 13:13

Yɛn bï paannhial niɛŋ, ku ta piny lɛthë abï rɔt wuuk tëde, në kööl bän agönhdï nyuɔɔth, Yɛn Bɛ̈nydït de rɛm.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 21:1

Kënë ee jam në biäk de Babilonia. Cït man ye kɔc piny nap ë jɔ̈ɔ̈ric, yen abï riääk bɛ̈n piny de yic riɔ̈ɔ̈c.

Yith 23:12

Pänydït de Thidon, miɛtëpiɔ̈ndu ë thök, ku kɔcku acï ke yɔŋ. Cak an cïk kat ke ke lɔ Thaiperuth, aŋootkï ke ke cïï bï lɔ̈ŋ.

Yith 26:5

Ee kɔc ɣɔn ë röt tɔ dït kuɔɔr piny, acï pänydït ë rëër kek thïn riɔ̈ɔ̈k, ku jiëp kɛ̈lke piny abïk lɔ thorthor në abuui yic

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 37:22

acïï Bɛ̈nydït lueel an, “Nyan de Dhiɔn adɔl yïguöp, ku nyan de Jeruthalem abiɔn Thenakerip guöp.

Yith 52:2

Teŋ rɔt abä nɔm lääu, Jeruthalem! Jɔt rɔt në abuui yic ku nyuc në thöönydu nɔm! Däkkï kuɛɛt cïï ë we duöt, wek yï nyan de Dhiɔn cï peec!

Jeremia 13:18

Go ë Bɛ̈nydït lɛ̈k ɛn an, “Lëkkë melik kekë man bïk bɛ̈n nyuc piny ë thöönyden nɔm, ë biäk cïï göölkɛn läk lööny piny ë kenïïm.

Jeremia 46:11

Kɔc ke Rip lakkï Giliyad, ku kaarkï wal ë baam! Walkun kedhie acïk ciën naamden, acï kë bï yï tɔ waar.

Jeremia 48:18

Wek kɔc wään cëŋ në Dibon, bäär piny tëduön de dhuëëŋ ku nyuc piny në abuui yic. Raan riäk Mowap yekï eenë ku acï wuötkɛn cï gël riɔ̈ɔ̈k.

Jeremia 50:1

Kënë ee jam ë gɛ̈më Bɛ̈nydït ë tiët Jeremia në biäk de Pänydït Babilon kekë kɔcke an,

Jeremia 50:42

Acïk dhɛ̈ŋken ku tɔɔŋken nööm, keek ayek juöör tuc piɔ̈ɔ̈th cïn kokdepiɔ̈u. Awuööuden acït awuööu de wɛ̈ɛ̈rdït, të cï kek kɛɛc ë jöŋgöör kɔ̈ɔ̈th. Acïk röt kiëët në tɔ bïk yiɛ̈n Babilonia.

Jeremia 51:1

Aye Bɛ̈nydït lueel an, “Yɛn bï yom de riääk, bän Babilonia riɔ̈ɔ̈k kekë kɔcke bɛ̈ɛ̈i.

Jeremia 51:33

Abïï kɔc ke ater keek dhuɔŋ piny ënɔɔnë, ku dum keek yiic cït man ye anyuɔl kɔ̈ɔ̈m ë jöŋic. Acä lueel Yɛn Bɛ̈nydït de rɛm, Nhialic de Yithriɛl.”

Jeremia 51:51

Ayak lueel an, ‘Wok cï yɔ̈ɔ̈r, ku tɔ wo yäär gup, wok ee röt yök ke wo cïn kony taitai, në biäk cï alɛi ɣään ɣer yiic nööm ë Luaŋdït yic.’

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Dhiëëu 2:21

Kɔc kor ku röördït atɔ̈ukï piny ke ke cï thou ë kuɛɛriic. Dhuök ku diäär acï keek nɔ̈k në abätäu de raan ater. Acï keek tɛm röt të cïn kokdepiɔ̈u në kööl de agönhdu.

Dhiëëu 4:5

Kɔc ɣɔn cïï kuïn piɛth kɔn aa cam athoukï në cɔk ë kuɛɛr yiic. Kɔc ɣɔn muk keek ë pïïr lɔ läŋic, atëërkï kuïn cï cuat wei.

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Dhek 2:7

Kual rɔt Babilonia, Bäkï Dhiɔn ë Jeruthalem.

Nyuuth 18:7

Lɛc ee yen rɔt leec, ku kuɛth ee yen kuɛth ë kamit. Yen acït lɛ̈ŋ bä wek e leeŋ wëi ku dhiën bä wek e tɔ dhiau: Në luɛl ee yen e lueel ë yepiɔ̈u, an: ‘Yɛn rɛ̈ɛ̈r ke ya ye melik tik! Ku cä ye thuööm, ku yɛn cïï dhiëëu bï tïŋ anandï.”