Yith 46:13 - JAM DE NHIALIC 2011

¹³ Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 46:13 ပူးပေါင်းရင်းမြစ်များ

Diɛt 14:7

Yɛn ee lɔ̈ŋ aläl ë luɔi bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï kɔc ke Yithriɛl piɔ̈ɔ̈th miɛt të lee ë Bɛ̈nydït ke bɛ tɔ kueth!

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Diɛt 46:5

Nhialic anu ë pänydïïtë yic, ku acïï bï riɔ̈ɔ̈k taitai, aye Nhialic kony miäk adurduur.

Diɛt 85:10

Nhiëër agɔk ku piɔ̈n adöt abïk mat, ku piathëpiɔ̈u kekë mät abïk kethook ciim,

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 43:7

Keek ayek kɔc ke nɔmdï, ku aake cak keek ke ke bï ya yiɛ̈n dhuëëŋ.”

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 45:8

Yɛn bï tiëm tuööc paannhial ke cït deŋ, ku piny abï rɔt liep ke loor nɔm ku abï jɔ luɔk në piathëpiɔ̈u ku yic. Yɛn Bɛ̈nydït, Yɛn bï piathëpiɔ̈u tɔ loi rɔt.”

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Yith 56:1

Aye Bɛ̈nydït lɛ̈k kɔcke an, “Luɔikï ke röŋ ku ye yic, në biäk bïï Yɛn we kony në ee nïn lik bï bɛ̈në, ke piathëpiɔ̈ndï bï rɔt nyuɔɔth.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 61:11

Cït man ŋic wok luɔi ye kɔ̈th cï com goŋ, Bɛ̈nydït Awärjäŋ abï piathëpiɔ̈u ku lɛc tɔ loi rɔt, ku abïï juöör ëbɛ̈n leec.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Yith 62:1

Yɛn bï jam ke ya dut Jeruthalem piɔ̈u, yɛn cïï bï mim agut të bän yen tïŋ ke cï kony, ku bï tiëmde riau cït many de kuthyui wakɔ̈u.

Yith 62:11

Nɔn lɛ̈k ë Bɛ̈nydït piny nɔm ëbɛ̈n an, “lɛ̈kë kɔc ke Jeruthalem an Bɛ̈nydït abï we bɛ̈n kony, abïï kɔc cï luök bɛ̈ɛ̈i në yen ëtök.”

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Jowɛl 2:32

Ku ëtɛ̈ɛ̈n, raan ëbɛ̈n, raan ee Bɛ̈nydït cɔɔl rin, abï kony wëi. Në biäk bï yen dɛ kuny de wëi në kuur ë Dhiɔn nɔm, ku Jeruthalem, cït man cïï Bɛ̈nydït ye lueel an, “Kɔc kɔ̈k abïk poth ë Jeruthalem, kɔc cä ke lɔc abïk pïïr.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Maika 7:9

Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Ɣabakuk 2:3

Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Ɣagai 1:8

Ku ënɔɔnë, lakï ë kur nïïm, lak bɛ̈ɛ̈ikï tiim, bä wek Luaŋdït bɛ̈n nyɔk në yïk. Ke Ya bï piɔ̈u miɛt, ku be ë Yɛn aa lam cït mandï.

Jɔn 17:10

Ku kakï kedhie ee kaku, ku kaku ee kakï: ku yɛn ee dhuëëŋ yök ë keyiic.

Romai 1:17

Piathëpiɔ̈u bɔ̈ tëde Nhialic acï nyuɔɔth ë wëlke yiic në gäm bï kɔc gam, acït man cï e gɔ̈ɔ̈r an, “Raan piɛthpiɔ̈u abï aa pïïr në gäm.”

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

2 Theth 1:10

të cï en guɔ bɛ̈n bï dhuëëŋ bɛ̈n yök ë kɔckɛn ɣerpiɔ̈ɔ̈th yiic, ku bïï kɔc diir ee köölë, kɔc gam kedhie (luɔi cä wek jam cuk lɛ̈k week gam).

2 Theth 1:12

ke rin ke Bɛ̈nydan Yecu Kërtho ke ke bï dhuëëŋ yök ë weyiic, ku bäk dhuëëŋ yök në yen, në dhuëëŋ de Nhialic piɔ̈u kekë Bɛ̈nydan Yecu Kërtho.

Ɣeberuu 10:37

Cït man ye Këcïgɔ̈ɔ̈r ye lueel an, “Në ee thaar thiin bɔ̈yë abï Kërtho bɛ̈n, acï bï gääu.

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”