Yith 46:11 - JAM DE NHIALIC 2011

¹¹ Yɛn cɔl raan bï bɛ̈n të lɔ aköl amiäk: abï lööny piny cït cuɔɔr, ku looi kë cä guiir. Yɛn cï jam ku abïï looi.

Yith 46:11 ပူးပေါင်းရင်းမြစ်များ

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Jop 23:13

Ku Yen acïï rɔt ee waar, ku eeŋa duëër ë lëu në puk? Kë kɔɔr piɔ̈nde, yen aye looi.

Diɛt 119:24

Yɛn mit piɔ̈u wo wëëtdu ayek ya gäm täŋ piɛth.

Diɛt 76:10

Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 18:6

Gup ke rem ë tɔŋden abïï ke päl diɛt nhial ku läi roor. Abï diɛt ke ŋueet mɔ̈i ku ciɛm läi keek rut.”

Yith 22:25

Të lee ee kënë lɔ tuöl, löny wään cï piäät aril, abï rɔ luek ku wïïk. Ku yen abï aa thök de ka cï nöök ë yekɔ̈u kedhie.” Acïï Bɛ̈nydït de rɛm lueel.

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 37:26

“Kɛ̈në piŋ nɔn cän ye kiëët ɣɔn thɛɛr? Ku ënɔɔnë acä looi. Yïn cä gäm riɛl bï yïn pɛ̈ɛ̈nydït cï gël abïk aa kuut ke ka cï riääk.

Yith 38:15

Eeŋö duɛ̈ɛ̈r lueel? Ee Bɛ̈nydït Yen ë loi ee kënë. Yɛn tuc piɔ̈u, ku yɛn cie niin.

Yith 41:2

“Eeŋa yen ë bïï raan bï kɔc bɛ̈n tiaam, të lɔ aköl amiäk, ku jɔ rɔt looi ke ye raan cï tiam në ɣään cïï yen ke lɔ thïn kedhie? Eeŋa tɔ ye tiam meliik ku juöör? Aye abätäude ke yuöp piny cït abuui. Aye dhɛ̈ŋke ke riäär piny cï wal gɔp ë yom.

Yith 41:25

“Yɛn cï raan lɔc, raan rɛ̈ɛ̈r në biäk të lɔ aköl amiäk. Abä bɛ̈ɛ̈i bïï kɔc mak në biäk të lɔ rut. Abï bäny dum yiic cït kë nuai tiɔ̈k, abï ciët raan ee töny cuëëc dum tiɔp piny.

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Yith 45:13

Yɛn cï Thairuth jat nhial ë piathëpiɔ̈u bïï ka cä lɛ̈k en looi, ku jɔ käŋ kiɛm piny apiɛth. Yɛn bï kueerdɛn ee yen tëëk thïn tɔ lɔ riny. Abï pänydiën dït Jeruthalem nyɔk në yïk, ku tɔ kɔckiën cï peec tɔ lääu nïïm. Acïn raan cï yen riɔp, ku cïn raan cï yen kumthok bïï ee kënë looi.” Acïï Bɛ̈nydït de rɛm lueel.

Yith 56:9

Bɛ̈nydït acï juöör kɔ̈k yɔ̈ɔ̈k bïk bɛ̈n cï läi roor, ku bïk kɔcke bɛ̈n cuääl.

Jeremia 44:28

Ku kɔc liaakäŋ ë weyiic abïk poth ë thuɔɔu thok, ku abïk bɛ̈n ciëën ë Rip lekkï Juda. Ku abïï kɔc pïïr jɔ ŋic ee jam de ŋa yen cïï aa yic, ee këdï ku ee këden.

Jeremia 50:29

“Lɛ̈kkï kɔc moc dhɛ̈ŋ ë ke mɛk Babilon. Takkï kɔc ŋic muny ë dhaŋ ëbɛ̈n lɔ biic. Gɛɛukï pänydït cil ku duökï de raan takkï bän. Takkï col ka cï looi ëbɛ̈n, ku luɔikï cït man cï yen kɔc kɔ̈k luööi, në biäk yen käŋ looi në lɛc lëc en rɔt Yɛn, Yɛn Nhialic Ɣeric de Yithriɛl.

Jeremia 50:44

“Yɛn Bɛ̈nydït Awärjäŋ, Yɛn bï bɛ̈n ku ta kɔc ke Babilonia tɔ kɔt ëthiäu në pɛ̈ɛ̈nydïtken yiic, cït man ë köör bɔ̈ bei ë roor lɔ dïu ë Jordan yɔu, köör lɔ piny de yic wal tɔ̈c. Ku bɛ̈ny bä lɔc abï jur kuum. Eeŋa bïï thɔ̈ɔ̈ŋ ke Yɛn? Eeŋa duëër Yɛn guääk? Ee bɛ̈ny cɔl ŋa duëër teer ke Yɛn?

Jeremia 50:45

Jɔ kë cä kiëët ë biäk de pänydït Babilon piŋ, ku kë kaar bä luöi kɔcke. Ayï mïthken abïï keek thɛl wei, ka raan ëbɛ̈n abï riɔ̈ɔ̈c aläl.

Edhekiɛl 39:4

Gok kekë remdɛn ë tɔŋ ku kɔc mät në yen ëtök, abïk löny kedhie thoukï në kur ke Yithriɛl nïïm, ku yɛn bï gupken tɔ ye këcam ke diɛt ku läi roor ëbɛ̈n.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Luɔi 4:28

bïk käŋ bɛ̈n looi ëbɛ̈n, ka cïï riɛldu ku löŋdu kɔn guiir ɣɔn thɛɛr an, bï ke dhil looi.

Luɔi 5:39

ku na ye këde Nhialic, acäkï bï lëu në tiëm, ke we cïï bï yök aye kɔc piɔ̈t ë Nhialic!”

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Epethiei 3:11

Yen löŋ cï lueel ë yenpiɔ̈u ɣɔn thɛɛr në këde Kërtho Yecu Bɛ̈nydandït.

Nyuuth 16:12

Ku luuŋ dhetemden gulde ë wɛ̈ɛ̈r ë Yuparatic, go pïïuke dëu, ke kueer bï luöi meliik bɔ̈ të lɔ aköl amiäk.