Yith 46:10 - JAM DE NHIALIC 2011

¹⁰ Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Yith 46:10 ပူးပေါင်းရင်းမြစ်များ

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Jop 23:13

Ku Yen acïï rɔt ee waar, ku eeŋa duëër ë lëu në puk? Kë kɔɔr piɔ̈nde, yen aye looi.

Diɛt 135:6

Ee kë kɔɔr në yepiɔ̈u looi ë pinynɔm ku paannhial në pïïu yiic ku në pïïu thäär piny tëthuth.

Diɛt 33:11

Ku kïït de Bɛ̈nydït ee tɔ̈u anande, ku kë cï cät ee tɔ̈u aɣet athɛɛr.

Kɛ̈ŋ 19:21

Kajuëc aye raan ke kiëët, ku kë kɔɔr Bɛ̈nydït yen aye rɔt lëu.

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 14:24

Go Bɛ̈nydït de rɛm kuëëŋ an, “Kë cä kiëët abï rɔt looi. Kë cä dhel ë Yapiɔ̈u an luɔi abïï looi.

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 40:8

Ɣɛɛ, wal ayek biɔɔr ku löny gaak, ku wël ke Nhialicda ayek tɔ̈u aɣet athɛɛr.”

Yith 41:21

Kë lueel ë Bɛ̈nydït, Nhialic de Yithriɛl kï. “Wek yiëth ke juöör, bɛ̈ɛ̈ikï göönydun. Bɛ̈ɛ̈ikï kë nyooth yicduön tɔ̈u ke week!

Yith 41:4

Eeŋa ë loi ee kë cït tuölë? Eeŋa ë luel kueer ye kake ciɛɛŋ thɛɛr muk? Ee Yɛn Bɛ̈nydït, Yɛn ë tɔ̈u ëtɛ̈ɛ̈n të ɣɔn gɔlë käŋ ku Yɛn Bɛ̈nydït, Yɛn bï tɔ̈u ëtɛ̈ɛ̈n në thök de käŋ.

Yith 43:13

Yɛn ee Nhialic ku Yɛn täu anandï. Acïn kë duëër ban në riɛldï yic, ku acïn raan duëër kë cä looi waar.”

Yith 44:7

Duëër dɛk raan däŋ lëu kë cä looi? Eeŋa duëër këriëëc bï tuöl ëbɛ̈n caar gɔl të ɣɔn gɔlë käŋ aɣet cï ee kööl?

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Yith 46:11

Yɛn cɔl raan bï bɛ̈n të lɔ aköl amiäk: abï lööny piny cït cuɔɔr, ku looi kë cä guiir. Yɛn cï jam ku abïï looi.

Yith 48:14

“Matkï röt ku piëŋkï, week wedhie! Acïn yanh duëër e caar an raan cä lɔc duëër Babilon mak, abï kë kaar bïï looi lɔ looi.

Yith 48:3

Aye Bɛ̈nydït lɛ̈k kɔc ke Yithriɛl an, “Ɣɔn thɛɛr yɛn aa cï kë bï rɔt looi caar, na wën ke guɔ tɔ loi rɔt ëthiäu.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 55:11

Yen abï ciët täu de wɛ̈t bä lueel ë yathok, acïï bï ya baaŋ, ke cïï kë cä guiir bï looi, abï këriëëc ëbɛ̈n cä tuöc en lɔ looi.

Jeremia 44:28

Ku kɔc liaakäŋ ë weyiic abïk poth ë thuɔɔu thok, ku abïk bɛ̈n ciëën ë Rip lekkï Juda. Ku abïï kɔc pïïr jɔ ŋic ee jam de ŋa yen cïï aa yic, ee këdï ku ee këden.

Edhekiɛl 39:8

Acïï Bɛ̈nydït Awärjäŋ lueel an, “Kööl cän jam në këde abï dhil bɛ̈n ë yic.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Ɣodh 5:9

Wek lɛ̈k yic, wek dhiëën ke Yithriɛl. Akööl bïï ke we luöi këtuc abïkï. Ku Eparaim abï riääk ë yic!

Luɔi 15:18

Luɔi looi ëbɛ̈n aŋic Nhialic të ɣɔn gɔlë käŋ.’

Luɔi 3:23

Ku ëyic, raan ëbɛ̈n raan bï këde tiët rɛɛc piŋ, ka bï määr ëtaiwei ë kɔc yiic.

Luɔi 5:39

ku na ye këde Nhialic, acäkï bï lëu në tiëm, ke we cïï bï yök aye kɔc piɔ̈t ë Nhialic!”

Ɣeberuu 6:17

Ku në biäk de kɔc cïï Nhialic ke thɔ̈n miɔ̈c, aye Nhialic kɔɔr bï nyuöth kɔc ëgɔk, luɔi cï Yen kë cï thɔ̈n keek bï waar në gutguut.