Yith 45:6 - JAM DE NHIALIC 2011

⁶ Yɛn aa loi ee kënë ago raan ëbɛ̈n ŋic në aguuk ke pinynɔm ëbɛ̈n, gɔ̈l në bɛ̈n aköl thok, ku gɔ̈l të lɔ aköl athɛ̈i, nɔn ee Yɛn Bɛ̈nydït, ku acïn yanh däŋ.

Yith 45:6 ပူးပေါင်းရင်းမြစ်များ

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 45:5

“Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Yith 47:8

“Piɛŋkï kënë, we kɔc nhiaar miɛt ë piɔ̈u, ayak tak nɔn cïï ë we kony ku luök we. Ayak lueel nɔn cä wek dït cït Nhialic, ku nɔn cïn en raan däŋ cït week. Aa ye tak nɔn cïï yïn duëër kɔn aa tiiŋ abaar, ku nɔn bä nuan në thon de mïthku.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Edhekiɛl 38:23

Në ye kueerë abä jɔ nyuöth juöör ëbɛ̈n, luɔi diëët Ɛn, ku ɣɛɛr yic. Abïk jɔ ŋic ëtɛ̈ɛ̈n nɔn ee Yɛn Bɛ̈nydït.”

Edhekiɛl 39:21

Go Bɛ̈nydït lueel an, “Yɛn bï juöör tɔ tïŋ dhuëëŋdï, ku nyuöth keek luɔi ee Yɛn riɛldï tɔ loi löŋdiën yic cä lueel.

Jowɛl 2:27

Yen abä wek en jɔ ŋic nɔn nu Yɛn ë weyiic, wek Yithriɛl, ku ŋiɛckï nɔn Yan Bɛ̈nydït Nhialicdun Yatök acïn raan däŋ pei. Kɔckï acïï keek bï bɛ biɔɔn gup ananden.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.