Yith 45:5 - JAM DE NHIALIC 2011

⁵ “Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Yith 45:5 ပူးပေါင်းရင်းမြစ်များ

1 Mel 8:60

Ku abïï kɔc ke pinynɔm ëbɛ̈n ŋic an Bɛ̈nydït Yen ee Nhialic, ku acïn däŋ.

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Jop 12:18

Ee lupɔɔ ke bääny nyaai në meliik kɔ̈ɔ̈th, ku tɔ keek ye lïïm.

Jop 12:21

Ee bäny cuɛ̈t ayäär, ku jɔt riɛl tëde kɔc ril.

Diɛt 18:31

Bɛ̈nydït Yetök yen aye Nhialic, Ee yen Yetök yen aye wo kony.

Diɛt 18:32

Nhialic ee yɛn gël në riɛl, ku tɔ kueerdï piathic.

Diɛt 18:33

Ee ya gël cök cït man ë ŋɛɛr ke ya cï bï kɔ̈th, ee ya gël në kur nïïm.

Diɛt 18:39

Yïn ee yɛn gäm riɛl de tɔŋ, ku tɔ ya tiam kɔc ke aterdï.

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 22:21

Yɛn bï lupɔduön ë bääny kekë thiööth tääu në yekɔ̈u, ku gäm riɛl wään tɔ̈u ke yïn ëbɛ̈n. Ku abï ciët wun Jeruthalem ke Juda.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Yith 45:1

Bɛ̈nydït acï Thairuth kuany ke ye melik! Aa kuɛny ke bï juöör peec, aa tooc bïï riɛl de meliik lɔ nyaai, Bɛ̈nydït abï thook ke kɛ̈l ke pänydït liëp thook en. Ku aye Bɛ̈nydït lɛ̈k Thairuth an,

Yith 45:6

Yɛn aa loi ee kënë ago raan ëbɛ̈n ŋic në aguuk ke pinynɔm ëbɛ̈n, gɔ̈l në bɛ̈n aköl thok, ku gɔ̈l të lɔ aköl athɛ̈i, nɔn ee Yɛn Bɛ̈nydït, ku acïn yanh däŋ.

Yith 46:9

Takkï wenïïm në kë cï rɔt looi ɣɔn thɛɛr, ŋiɛckï ee Yɛn A tök Yɛn ee Nhialic ku acïn raan däŋ cït Yɛn.

Yith 47:8

“Piɛŋkï kënë, we kɔc nhiaar miɛt ë piɔ̈u, ayak tak nɔn cïï ë we kony ku luök we. Ayak lueel nɔn cä wek dït cït Nhialic, ku nɔn cïn en raan däŋ cït week. Aa ye tak nɔn cïï yïn duëër kɔn aa tiiŋ abaar, ku nɔn bä nuan në thon de mïthku.

Edhekiɛl 30:24

Ku ëtɛ̈ɛ̈n Yɛn bï kök ke melik de Babilonia tɔ ril ku tääu abätäudï në yecin. Ku yɛn bï kök ke melik de Rip dhuööŋ, ka bï teer ku thou në kɔc ke aterde nïïm.

Jowɛl 2:27

Yen abä wek en jɔ ŋic nɔn nu Yɛn ë weyiic, wek Yithriɛl, ku ŋiɛckï nɔn Yan Bɛ̈nydït Nhialicdun Yatök acïn raan däŋ pei. Kɔckï acïï keek bï bɛ biɔɔn gup ananden.

Jɔn 1:1

Të ɣɔn thɛɛr gɔlë käŋ Jam aa nu, ku nu Jam kekë Nhialic, ku Jam yen aye Nhialic.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.