Yith 45:19 - JAM DE NHIALIC 2011

¹⁹ Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Yith 45:19 ပူးပေါင်းရင်းမြစ်များ

1 Lëk 28:8

Ka ënɔɔnë ë kɔc ke Yithriɛl nïïm ëbɛ̈n, ku në amatnɔm de Bɛ̈nydït Nhialic nɔm, wek cä yɔ̈ɔ̈k bäk lööŋ cïï Bɛ̈nydït lueel dhil aa gam ë piɔ̈n adöt, bäk këriëëc cï lɛ̈k week looi, në biäk bä wek ŋoot ke we ceŋ ee piny piɛthë, ke ye pinydun, ku bäk bɛ gäm rɛm bï bɛ lɔ̈ɔ̈k bɛ̈n në wecök, ku bï aa pinyden aɣet athɛɛr.”

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Edhr 8:22

Yɛn aaye guöp riɔ̈ɔ̈c në luɔi bän Melik thiëëc në rem de tɔŋ ku kɔc ke jöŋgöör bï wok tiit kueer në cäthda yic në biäk de kɔc ke ater duëër wook gëk, aa cuk lëk Melik an, Nhialic atɔ̈u ke kɔc ee Ye kɔɔr, ku agönhde ee tɔ̈u kekë kɔc cïï Yen ee piŋ thok.

Diɛt 12:6

Gutguut de Bɛ̈nydït aye ŋɔ̈ɔ̈th, alek wai cït ateek cï lëëŋ ë many tuc raan dhorou.

Diɛt 24:6

Kɔc cït ee kakë kek abï bɛ̈n tëde Nhialic, kɔc ee bɛ̈n tëde Nhialic de Jakop.

Diɛt 69:13

Ku në biäkdï, Bɛ̈nydït, ee Yïn bä ya lɔ̈ŋ, gam lɔ̈ŋdï Nhialic, në köölduön cï lɔc. Bɛ̈ɛ̈rë lɔ̈ŋdï në biäk de nhiëërduön agɔk, në biäk ee Yïn gutguutduön de kuɔɔny döt.

Diɛt 69:32

Të lee ë kɔc yɔŋ ee kënë tïŋ, abïk piɔ̈ɔ̈th miɛt, kɔc ee Nhialic lam abïï ke riit piɔ̈ɔ̈th.

Diɛt 78:34

Të ye yen kɔc kɔ̈k nɔ̈k në keyiic, kuut däŋ ee rɔt pɔ̈k en, ayek karɛcken pɔ̈l ku lɔ̈ŋkï në piɔ̈n piɛth.

Diɛt 9:10

Bɛ̈nydït kɔc ŋic Yïn, abïk Yïn ŋɔ̈ɔ̈th, Yïn cïï raan cï bɛ̈n tëde Yïn ee rɛɛc,

Kɛ̈ŋ 1:21

Acöt arëët në wut thok, ku në të ye kɔc kenïïm mat thïn lueel an,

Kɛ̈ŋ 15:8

Miɔ̈c näk ye kɔc ee karɛc looi gam ee gök de kërɛɛc mɛɛn ë Bɛ̈nydït, ee lɔ̈ŋ de kɔc piɛth piɔ̈ɔ̈th yen anhiɛɛr.

Kɛ̈ŋ 30:5

“Këriëëc ë bɛ̈n cïï Nhialic lueel ee ya yic, ku Yen ee ya kön ë raan kɔɔr kuɔɔny tëde Yen.

Kɛ̈ŋ 8:6

Piŋ jamdiën piɛth arëët, kë ya lueel ëbɛ̈n ee yic.

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Yith 43:12

Yɛn cï kë bï tuöl bɛ̈n caar, ku yɛn cï bɛ̈n bɛ̈n bä we kony. Acïn yanh alei cï kë cït ee kënë kɔn looi, wek ee cäätɔɔkï.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Yith 45:23

Gutguutdiën cä lueel në piathëpiɔ̈u, ku acïï bï waar. Yɛn cï gutguut lueel në täudï ëbɛ̈n: Raan ëbɛ̈n abï bɛ̈n ku tuk yemiɔl ë yanɔm ku kuëëŋ nɔn bï yen A riëëu.

Yith 45:25

Yɛn Bɛ̈nydït, Yɛn bï kuat de Jakop luök, ku abïk Ɛn jɔ piɔɔny.

Yith 48:16

“Ënɔɔnë bäär tëthiɔ̈k ku piŋ kë luɛɛl. Të ɣɔn gɔlë käŋ yɛn aacï jam në kɔc nïïm, ku ta wël cä ke lueel ee yith.” (Ënɔɔnë Bɛ̈nydït Awärjäŋ acï ya gäm riɛl ku tooc ɛn.)

Yith 63:1

“Eeŋa ë kë bɔ̈yë në pänydïït de Bothera nu ë Edom? Ku eeŋa kë ceŋ lupɔ amujuŋë, raan ril laath ë riɛl.” Ee Bɛ̈nydït, raan dïït ril ee kɔc kony, abɔ̈ bïï tiëmde bɛ̈n lɛ̈k kɔc.

Yith 65:9

Yɛn bï athiɛɛidï gäm kɔc ke Yithriɛl, kɔc ke dhiën ë Juda ku kuatden abïk dɛk pinydiën de kur. Kɔckiën cä lɔc ee ya luööi abïk rëër ëtɛ̈ɛ̈n.

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Amoth 5:4

Aye Bɛ̈nydït lɛ̈k baai de Yithriɛl an, “Bä të nu Yɛn, ku yïn bï pïïr.

Jɔn 18:20

Go Yecu bɛ̈ɛ̈r an, “Yɛn aaye jam ë kɔc nïïm kɔc ke piny nɔm, yɛn aaye cool ë wëët ë ɣööt ke Nhialic yiic, ayï Luaŋdïtic, të ye Judai cool ë guëër thïn, ku acïn kë cä lueel athiaan.

Jɔn 7:26

Wɔikï! Ajam ë kɔc yiic, ku acïn kë lëkkï yen. Cï bäny ceŋ piny dhil ŋic nɔn ee yen Kërtho ëyic?

Jɔn 7:28

Go Yecu cööt ë Luaŋdïtic, të wën wëët en kɔc an, “Wek ŋic ɛn ayï të ë bä yɛn thïn aya aŋiɛckï, ku yɛn aacïï bɔ̈ në këde yenhdï, ku raan ë toc ɛn, yen aye raan yic, raan kuöckï.

Nyöŋ 29:29

“Ade ka kɔ̈k cïï Bɛ̈nydït Nhialicda keek tɔ ee kacïmoony, ku Bɛ̈nydït acï löŋde nyuɔɔth, ku wook në mïth ke mïthkuɔ abuk dhil riëëu aɣet athɛɛr.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Jakop 4:3

We ye lip, ku cäkï käŋ ee yök, në lip aa wek kuöc lip, ee kë bä wek käŋ aa thiäi wei ë kamit kaarkï, en aa yak lip.