Yith 45:14 - JAM DE NHIALIC 2011

¹⁴ Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 45:14 ပူးပေါင်းရင်းမြစ်များ

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

2 Tham 21:20

Ku aade tɔŋ däŋ ë Gath, tëde raandït kɔ̈u nhiaar tɔŋ. Ade riöp kadhetem në ciin tökic, ku riöp kadhetem në cöök tökic, ayek riöp kathiërrou ku ŋuan kedhie.

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Jop 1:15

go kɔc ke Thabe lööny në keyiic, nömkï keek ku näkkï kɔc lui kedhie në abätäu, ee yɛn atök, yɛn ë bän, ku bä ee thoŋë bɛ̈n lɛ̈k yïn.”

Jop 11:19

Yïn bï aa tɔ̈c piny në mätic ke cïn raan riɔ̈ɔ̈c yïn, kɔc juëc abïk nyuc piny në yïnɔm.

Diɛt 149:6

Tɔ ke woou ë röldït, të piɔɔny kek Nhialic, ke ke muk abätɛ̈ɛ̈ukɛn moth thook ë kecin

Diɛt 149:8

bïk meliikken rek rekï bänykɛn ë kuɛɛt ke wëëth,

Bɛ̈n 11:8

Ku jɔ Mothe jam thöl thok an, “Bänykun kedhie, abïk kenïïm bɛ̈n guöt piny në yanɔm, ku läŋkï yɛn an jat kɔckï kedhie ku jäl. Ku ëtɛ̈ɛ̈n, yɛn bï jɔ jäl.” Ku jël Mothe në melik lɔ̈ɔ̈m ke cï piɔ̈u diu arëët.

Yith 10:33

Ku abïï Bɛ̈nydït de rɛm ke bɛ̈ɛ̈i piny ke ke dhuuŋ cït man ë kër yep në tim nɔm. Kɔckɛn ee kenïïm ɣääc ku kɔc bäny ë keyiic abïï ke tɛm piny ku abï ke kuɔɔr piny.

Yith 18:1

Amawoou në riääk bï piny de Kuc yök, piny dhɔt pïïu ke kiir ë yekɔ̈u, ku abëël ke waikɛn ë gɛ̈ɛ̈r acï ke wuök pet ke ke kuany kiiric.

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 19:21

Bɛ̈nydït abï rɔt nyuöth kɔc ke Rip, ku abïk ŋic ku lamkï, ku abïk gäm ka näk ku miɔ̈c. Ku abïk gutguut aa lɛ̈k Bɛ̈nydït ku gɛmkï kë cïï kek gutguut lueel.

Yith 19:22

Bɛ̈nydït abï kɔc ke Rip luöi këtuc, ku ëtɛ̈ɛ̈n abï ke tɔ dem. Abïk röt pɔ̈k En, ku abï lɔ̈ŋden piŋ ku tɔ keek dem.

Yith 23:18

Wëu le yök në ɣööc yic, abï ke gäm Bɛ̈nydït. Acïï ke bï tɔ̈ɔ̈u tëmec, ku kɔc ee Bɛ̈nydït lam abïk wëuke nööm ɣɔɔc kek ke këcam ku lupɔɔ kɔɔrkï.

Yith 43:3

Në biäk ee Yɛn Bɛ̈nydït Nhialicdu, Nhialic Ɣeric de Yithriɛl ɣɔn kony yïn. Yɛn bï Rip pɔ̈l ke bï yï tɔ lääu nɔm, Yɛn bï Ethiopia pɔ̈l kekë Theba.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Yith 49:23

Meliik abïk ciët wärkun ku cït diäär ke meliik märken. Abïk kenïïm guöt piny në yïnɔm ku riëëukï yïn, abïk röt kuɔɔr piny ke ke nyuth yïn riëëuden. Ëtɛ̈ɛ̈n abä jɔ ŋic nɔn ee Yɛn Bɛ̈nydït, acïn raan tit kuɔɔnydï ee yäär.”

Yith 54:3

Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Yith 55:5

Ënɔɔnë yïn bï juöör ke pinynɔm cɔɔl, aa e kööl ë kuc kek yïn, ku ënɔɔnë abïk aa bɛ̈n ke ke kɔt bïk röt bɛ̈n mät yïn! Yɛn Bɛ̈nydït Nhialicdun, Nhialic Ɣeric de Yithriɛl, yɛn bï ee kënë tɔ loi rɔt ëbɛ̈n, yïn bä gäm dhuëëŋ ku riëëu.”

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Yith 61:9

Abïk dɛk kɛk në juööriic ëbɛ̈n, raan ëbɛ̈n raan lɔ keek tïŋ abïï ŋic nɔn ye kek kɔc cä keek thieei.”

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Edhekiɛl 23:42

Awuɔɔu de kɔc juëc aye piŋ, kuut de röör ë le keek bɛ̈ɛ̈i në jɔ̈ɔ̈ric. Acïk joth tääu në diäär kɔ̈k, ku tɛ̈ɛ̈ukï gööl läk në kenïïm.

Edhekiɛl 31:3

Yïn cït tim de thidar de Lebanɔn de kër läk aa tiëp looi, Tim bɛ̈ɛ̈r ye kërke ɣet ë luäät yiic.

Jowɛl 3:8

Wɛ̈ɛ̈tkun, ayï duetkun abä keek ɣɔ̈c Juda. Ku abï Juda keek lɔ ɣɔ̈c kɔc ke Thabe, jur mec arëët. Kë cïï Bɛ̈nydït lueel ka.

Kuɛ̈n 13:32

Agokï kɔc ke Yithriɛl yiɛ̈n thoŋ rac në biäk de piny cïk lɔ caath, luelkï an, “Yen ee piny cuk lɔ caathë, ee piny cïï kɔcke leer. Ku kɔc nu thïn ee jööt bär kedhie.

1 Kor 14:25

Ago ka cï thiaan ë yepiɔ̈u jɔ tïc, ago rɔt cuat piny ë yenɔm, ku lɛm Nhialic, ku jɔ lueel an, “Nhialic anu ë weyiic ëdhöc!”

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.