Yith 45:12 - JAM DE NHIALIC 2011

¹² Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Yith 45:12 ပူးပေါင်းရင်းမြစ်များ

Cäk 2:1

Ku tënhial kekë piny, aake cï jɔ thök në cäk në ka tɔ̈u thïn kedhie.

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Neɣe 9:6

Ku ëtɛ̈ɛ̈n kɔc ke Yithriɛl acïk bɛ̈n lɔ̈ŋ në ee lɔ̈ŋë an, “Yïn Bɛ̈nydït, Yïn Yïtök, Yïn ee Bɛ̈nydït, Yïn cï të nhial looi ku kuɛl nhial. Yïn cï të ril looi ku loi wɛ̈ɛ̈r ku këriëëc ëbɛ̈n tɔ̈u ë keyiic. Yïn ee këriëëc ëbɛ̈n gäm wëi. Ka ril ke paannhial ayek kenïïm guöt piny ku läŋkï Yïn

Jop 37:18

Duɛ̈ɛ̈rë Nhialic kuɔny bïï tënhial thɔ̈ɔ̈th, abïï tɔ ril cït acidhadh?

Diɛt 102:25

wään thɛɛr Yïn cï pinynɔm cak, ku loi paannhial në cinku.

Diɛt 104:2

Yïn cï rɔt kuöm piny në ɣɛɛr. Yïn cï paannhial thiɛth piny cït man ë paany

Yith 37:16

“Bɛ̈nydït de rɛm, Nhialic de Yithriɛl, thöönydu anu ë kaam de wuök ke cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Yith 40:12

De raan duëër dït de abäpdit yic them në yeciin, ku nɔn them en paannhial në yeciin? De raan duëër tiɔɔm de piny nɔm muk në abïny ku nɔn them thiɛk de kuur në kë ye thëm?

Yith 40:22

Aa looi ë raan cï nyuc në thööcde nɔm nhial në piny nɔm ku tënhial kɔ̈u, kɔc ayek ciët amujuŋ të woi yen keek piny, go tënhial thieth cï lupɔ, ku cït paany të ceŋ.

Yith 40:26

Tïŋ tënhial! Eeŋa cak kuɛl ye tïŋ? Raan ee keek wët bei cït rem de tɔŋ, aŋic yek dï ëtɛ̈ɛ̈n ku aye ke cɔɔl ëtök, tök në rin! Riɛlde adït arëët, acïn töŋ liu në ke yiic!

Yith 40:28

Cïï ŋic? Kɛ̈në piŋ? Bɛ̈nydït ee Nhialic tɔ̈u athɛɛr, ee yen aa cak ë piny thar ëbɛ̈n. Acie dak ku acie bäp. Acïn raan ee täŋde yökic.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 44:24

“Yɛn ee Bɛ̈nydït, konydun, Ee Yɛn ee raan ë cak week. Ee Yɛn Bɛ̈nydït, Aciëŋ de këriëëc ëbɛ̈n. Ee Yɛn a tök Yɛn aa thieth paannhial, wään luɔi ɛn piny, acïn raan cï ya kony.

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 48:13

Cinkï kek aa loi këërkëër de piny, ku thiɛth Paannhial. Ɣɔn caal Ɛn piny ke të nhial, gokï bɛ̈n raan tök ku nyoothkï röt.

Yith 51:13

Cäk nïïm guɔ määr në Bɛ̈nydït, raan ë cak week, raan ë thieth paannhial ku tɛ̈ɛ̈u këërkëër ke piny piny? Eeŋödäŋ ya wek tɔ̈u në riɔ̈ɔ̈c yic në agönh de kɔc yɔŋ week, kɔc kɔɔr bïk we riɔ̈ɔ̈k? Agönhden acïï week bï bɛ riɔ̈ɔ̈k.

Jeremia 27:5

“Ee Yɛn ë cak pinynɔm në riɛldiëndït, ku cak kɔc ku läi, ku gäm raan cä tïŋ ke piɛth të de Yɛn.

Jeremia 32:17

“Bɛ̈nydït Awärjäŋ, Yïn cï tënhial kekë piny cak, në riɛlduön dït, acïn kë ril arëët tëde yïn.

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Nyöŋ 4:32

“Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

Ɣeberuu 11:3

Në biäk de gämdan de yic aŋäth, ayok ŋic luɔi ë ciɛk ë piny në jam ë ye Nhialic lueel ë Yethok, ku ŋicku ayadäŋ nɔn ë ciɛk ë ka woi në ka liu.