Yith 44:7 - JAM DE NHIALIC 2011

⁷ Duëër dɛk raan däŋ lëu kë cä looi? Eeŋa duëër këriëëc bï tuöl ëbɛ̈n caar gɔl të ɣɔn gɔlë käŋ aɣet cï ee kööl?

Yith 44:7 ပူးပေါင်းရင်းမြစ်များ

Yith 19:12

Melik de Rip, nu röörkuön pelnïïm ënou? Tɛk däŋ aduëërkï yïn lëk kë cïï Bɛ̈nydït de rɛm kiëët ë biäk de Rip.

Yith 41:22

Bäkkï ee tënë ku caarkï kë bï tuöl, agoku ŋic nɔn bïï yen rɔt lɔ looi. Wëërkï kɔc ke luk ka cï röt kɔn looi ɣɔn thɛɛr, ku lɛ̈kkï wook eeŋö luelkï:

Yith 41:23

Lɛ̈kkï wook eeŋö bï tuöl wadäŋ, ëtɛ̈ɛ̈n abuk jɔ ŋic nɔn aa wek yiëth! Loi këpiɛth, ku nɔn bɛ̈ɛ̈iyë riääk, thiäŋkï wook në riɔ̈ɔ̈c ku diɛɛr!

Yith 41:26

Eeŋa cï ye caar në week yiic nɔn duëër ee kënë rɔt looi, agoku jɔ ŋic nɔn luɛɛl wek yic? Acïn raan töŋ në weyiic cï wɛ̈t lueel në biäkde, acïn raan cï kë luɛlkï piŋ!

Yith 41:4

Eeŋa ë loi ee kë cït tuölë? Eeŋa ë luel kueer ye kake ciɛɛŋ thɛɛr muk? Ee Yɛn Bɛ̈nydït, Yɛn ë tɔ̈u ëtɛ̈ɛ̈n të ɣɔn gɔlë käŋ ku Yɛn Bɛ̈nydït, Yɛn bï tɔ̈u ëtɛ̈ɛ̈n në thök de käŋ.

Yith 43:12

Yɛn cï kë bï tuöl bɛ̈n caar, ku yɛn cï bɛ̈n bɛ̈n bä we kony. Acïn yanh alei cï kë cït ee kënë kɔn looi, wek ee cäätɔɔkï.

Yith 43:9

Cöölë juöör bïk bɛ̈n në luk nɔm. Ee yanhou në yiëthken yiic duëër ka bï tuöl caar? Eeŋa në keyiic cï ka loi röt ee nɔɔnë kɔn lueel? Takkï ee yiëthkë bïï cätɔɔken bïk bɛ̈n nyooth nɔn de kek yic, bïk wël luelkï bɛ̈n tɔ ee yith.

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Luɔi 17:26

Ku yen ee juöör tɔ dhiëth ëbɛ̈n në riɛm tök, abïk piny ɣap nɔm ëbɛ̈n, ku ye keek gäm runkɛn cï kɔn lueel ɣɔn thɛɛr, ku gëm keek akɛɛth ke pinydɛn bï kek ɣap thïn.

Nyöŋ 32:8

Bɛ̈nydït Awärjäŋ yen ee juöör gäm piny bï kek rëër thïn, ee të bïï kɔc ceŋ kedhie tek. Ku Yen ee jur ëbɛ̈n miɔɔc në wɛ̈ɛ̈t ke Nhialic.