Yith 44:5 - JAM DE NHIALIC 2011

⁵ “Abïï kɔc aa lueel ëtök tök nɔn ee Yɛn Bɛ̈nydït. Abïk bɛ̈n mɛ̈tkï röt kɔc ke Yithriɛl. Ku raan ëbɛ̈n abï kïn de rin ke Bɛ̈nydït aa gɔ̈ɔ̈r në ye kaam ku yek röt cɔɔl an wok ee kɔc ke Nhialic.”

Yith 44:5 ပူးပေါင်းရင်းမြစ်များ

2 Lëk 36:23

“Ku jam ë lueel Thairuth kï, melik de Perthia an: Bɛ̈nydït, Nhialic de paannhial, acï ya looi ke ya ye bɛ̈ny de piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda. Ënɔɔnë, week wedhie wek kɔc ke Nhialic, lakkï ëtɛ̈ɛ̈n, ku Bɛ̈nydït Nhialicdun abï tɔ̈u ke week.”

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Diɛt 116:16

Yɛn awundu Bɛ̈nydït, Yïn ya luöi, cït man cï maar ye looi. Yïn cï yɛn kony ë thuɔɔu.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Jeremia 32:10

Guɔ awerek de ɣɔ̈ɔ̈c thaany yic ku guötic, ku ta tïŋ ë kɔc daai, ku thɛm wëu në këde thëm.

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

2 Kor 8:5

Ku acïï cït kë ë ŋäthku tei, acïk röt kɔn gäm Bɛ̈nydït, ku gɛmkï röt wook në këde piɔ̈n ë Nhialic.

Galatai 6:16

Ku kɔc kedhie, kɔc ee mat ë cöökë, ë mät ë ye tɔ̈u ke keek ayï kokdepiɔ̈u, ku ë ke tɔ̈u në Yithriɛl de Nhialic!

Galatai 6:17

Gɔl ee köölë, në cïn raan ë ya jut: yɛn cath wo piär ke Bɛ̈nydït Yecu cï gɔ̈ɔ̈r ë yaguöp.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.