Yith 44:13 - JAM DE NHIALIC 2011

¹³ Atën ee tiim guaŋ ee tim them. Ee giɛɛt käär në agalam, ku jɔ kiëët në kakɛn ke guëŋ, ku jɔ looi ke cït guöp raan, raan läk, ke bïï lɔ tääu ɣönde.

Yith 44:13 ပူးပေါင်းရင်းမြစ်များ

Cäk 31:19

Na wën, acï Laban amɛ̈lke lɔ tem gup, ke Racel ë löök yiëth ke wun kual.

Cäk 31:30

Aŋiɛc nɔn ë jël yïn ke ye baai de wuur yen cï tak, ku kɔɔr nɔn bï yïn yïnɔm puɔ̈k thïn. Ka eeŋö däŋ kuɛ̈lë yiëthkï ayadäŋ?”

Cäk 31:32

Ku ënɔɔnë, raan le yïn yiëthku yök tëde yen, në woyiic eenë, abï nɔ̈k. Guik kakuɔ yiic kedhie në kɔcku nïïm eenë, ku na de kë cï yök ke ye këdu, ke kuënyë bei. Ku luel an kënë ee këdï, ku nöm këdu.” Akuc ë Jakop luɔi cï Racel yiëth ke wun kual.

Cäk 35:2

Ago Jakop lɛ̈k kɔc ke baaide, ku kɔc rɛ̈ɛ̈r në yen kedhie an, “Cuatkï yiëth lɛɛn cath në week wei. Ku wakkï wegup, abäk gup lipëlip. Ku waarkï lupɔɔkuön ciɛŋkï, në lupɔɔ kɔ̈k cäk waak.

Yith 41:7

Go raan atën ee guaŋ lɛ̈k thɛ̈th an, ‘Acï ŋiëc looi!’ Ago raan wën ee yath deŋ abïï lip raan wën ee ye piäät në muthmɛɛr riit piɔ̈u. Ayek lueel an, ‘Acï looi apiɛth,’ ku jɔkï yath dɛɛr në yekɔ̈u ke piëëtkï në muthmɛɛr.

Yith 44:14

Aduëër tim de thidar lɔ yep bï yen luui, ku nɔn lɔc tim de ɣok, ku nɔn ee tim de thaipereth roor. Ku nɔn com tim de laurel ku jɔ deŋ tiit bï ye tɔ dït.

Edhekiɛl 8:10

Guɔ lɔ thïn ku tiëŋ. Pɛ̈ɛ̈ny acïk kɔ̈ɔ̈th thiäŋ, në giɛɛt de karɛc ku lɔ kɔ̈k de acuɔl: ku jɔ aa yiëth kɔ̈k ye baai de Yithriɛl ke lam.

Edhekiɛl 8:11

Röördït ke baai de Yithriɛl kathiërdhorou, aake tɔ̈u ëtɛ̈ɛ̈n, ade yic Jadharia wën de Capan. Raan ëbɛ̈n në keyiic aa amuk thaŋ ye wal ŋïr nyop, ka tol de aŋïïr de wal alɔ nhial.

Edhekiɛl 8:12

Go Nhialic a thiëëc an, “Mɛnh ë raan cï kë cï röördït ke baai de Yithriɛl looi ë cuëër tïŋ? Keek alɛ̈mkï kedhie ɣön cï thiäŋ kekë yiëth. Kë ye kek röt dam kï: ‘Bɛ̈nydït acïï wook woi! Acï piny nyääŋ piny.’ ”

Luɔi 17:29

Ku luɔi ee wok mïth ke Nhialic, ka cïï piɛth luɔi duëër wok e lueel an, Nhialic acït man ë adhääp, ku ateek, ku kuur, kë ye kɔc cuëëc ëtëët ku në cäp ee raan cak.

Romai 1:23

ku aake ye dhuëëŋ de Nhialic cïï duëër dhiap puk tɔkï cït kë cï cuëëc cït guöp raan bï dhiap, ayï diɛt, ayï läi de cök kaŋuan, ayï ka mol piny.

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 4:28

Ku ëtɛ̈ɛ̈n, wek bï yiëth ye guaŋ ë kɔc cin aa luööi, yiëth ë loi keek në tiim ku kur, yiëth cie daai, ku cïkkï ee piŋ, ku cïkkï cäm, ku cïkkï ee ŋör.

Bäny 18:24

Go Maika bɛ̈ɛ̈r an, “Ye lueel adï an eeŋö kaar? Wek cï yiëthkï jɔt ëbɛ̈n, ku jatkï gunydï, ku acïn kë cäk nyääŋ ɛn?”