Yith 44:12 - JAM DE NHIALIC 2011

¹² Thɛ̈ɛ̈th ayek jonh thiiakäŋ nööm ku tɛ̈ɛ̈ukï mɛɛc. Kökkɛn ril ee dëi muk thɛ̈ɛ̈th en wëëth abï këdɛn kɔɔr thɔ̈ɔ̈ŋ. Të looi yen en aye cɔk nɔ̈k, ku nɛ̈k rou, ku jɔ dak.

Yith 44:12 ပူးပေါင်းရင်းမြစ်များ

Bɛ̈n 32:4

Na wën, ke ke nööm Aron keek, ku lëëŋ ke, ku luuŋ adhäm cï lɛ̈ɛ̈ŋ në këde cuɛ̈cic, ku cuëëc en dan adhääp.” Na wën, ke lueel ë kɔc an, “Yithriɛl, Nhialicduön wään bïï we bei paan ë Rip kï!”

Bɛ̈n 32:8

Acïk kueer wään lɛ̈k keek puɔ̈l. Acïk röt lɔ̈ɔ̈k luöi dan adhääp, ku gëmkï miɔ̈c, ku lamkï. Ayek lueel an ee yen nhialicdɛn wään wët keek bei Rip ka.

Yith 40:19

Acïï cït yath ye raan ee thäth looi, kë ye thɛ̈th kum kɔ̈u në adhääp ku jɔ dam piny në kuɛɛt ke ateek.

Yith 40:20

Raan wën cïï ɣööc de ateek ku adhääp lëu, ee rɔt löc tim cïï bï dhiap. Ee rɔt kɔɔr atën piɛth ee guaŋ bïï ye guɛ̈ŋ kë ye tïŋ ke cï bï wïïk.

Ɣabakuk 2:13

Juöör cäk peec acïk luɔi looi luɔi cïn kë cïk yök thïn, acïk tiam ku këriëëc cïk looi abï nyop ëbɛ̈n. Ee Yen Bɛ̈nydït de rɛm Yen aloi ee kënë.

Ɣabakuk 2:18

Eeŋö duɛ̈ɛ̈rkï yök në läm de yiëth ë guaŋkï në we cin? Duëër aa ŋö, kë ye kɔc kak ë guaŋkï në ke cïn ŋɔ̈ɔ̈th, ku gamkï tör de lueth cït ee kënë, yiëth cie jam!

Dhek 1:20

Go puk nɔm an, “Kek tuŋ ë thiëi Juda piny ka, kekë Yithriɛl ku Jeruthalem. Na wën, ke Bɛ̈nydït ë nyuth ɛn atëët kaŋuan.

Nyöŋ 4:28

Ku ëtɛ̈ɛ̈n, wek bï yiëth ye guaŋ ë kɔc cin aa luööi, yiëth ë loi keek në tiim ku kur, yiëth cie daai, ku cïkkï ee piŋ, ku cïkkï cäm, ku cïkkï ee ŋör.