Yith 43:6 - JAM DE NHIALIC 2011

⁶ Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Yith 43:6 ပူးပေါင်းရင်းမြစ်များ

Diɛt 107:3

ku puk wenïïm ciëën në wuöt ke juöör yiic, në biäk të lɔ aköl amiäk ku biäk të lɔ aköl athɛ̈i, ku biäk të lɔ rut ku biäk të lɔ wöuwic.

Yith 11:12

Bɛ̈nydït abï beer jat nhial, ke bï ë juöör ŋic nɔn mɛ̈ɛ̈t En kɔckɛn ke Yithriɛl ku kɔckɛn ke Juda yiic, kɔc cï thiäi. Ku bïï ke ciëën në aguuk ke piny yiic kaŋuan.

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Yith 49:12

Kɔckï abïk bɛ̈n të mec, në biäk të lɔ rut, ku të lɔ aköl athɛ̈i, ku në Athwan në biäk de wöuwic.”

Yith 49:22

Acïï Bɛ̈nydït Awärjäŋ lɛ̈k kɔcke: “Yɛn bï kïït nyuöth juöör, ku abïk mïthkun pɔ̈k nïïm baai.

Yith 54:3

Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Yith 60:4

Tïŋ yïlɔ̈ɔ̈m ku ja daai në kë loi röt: Kɔckun amɛ̈ɛ̈tkï keyiic ke ke dök röt baai! Wɛ̈ɛ̈tkun abïk bɛ̈n në ɣään mec yiic, duetkun abïï ke ɣääc cï mïth.

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Jeremia 23:8

Abïk aa kuëëŋ ë Yɛn, Yɛn Nhialic Pïïr raan ë bïï baai de Yithriɛl bei piny nu të lɔ rut, ku raan ë bïï ke bei wuöt wään cän ke thiäi thïn kedhie. Ku abïk jɔ rëër pinyden.”

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 31:8

Abä ke bɛ̈ɛ̈i të lɔ rut, ku määt ke yiic në aguut ke piny. Cɔɔr ayï ŋɔl abï bɛ̈n ke keek, ku bɔ̈ diëër liac ku diëër kɔɔr dhiëth. Abïk bɛ̈n ciëën ke ke ye jurdït.

Edhekiɛl 36:24

Wek bä ke jɔt në juöör yiic ëbɛ̈n, ku bɛ̈ɛ̈i week ciëën pinydun.

Edhekiɛl 37:21

Ku lɛ̈kë keek an, Yɛn Bɛ̈nydït Awärjäŋ, Yɛn bï kɔckï lɔ bɛ̈ɛ̈i bei kedhie në juöör wään cïï kek lɔ thïn, ku määt ke yiic tëtök, ku pɔ̈k kenïïm ciëën pinyden.

Jowɛl 3:7

Ku ënɔɔnë, ala keek jɔt të ɣɔn cä wek keek ɣaac thïn. Ku kërɛɛc wään cäk luöi keek, abä bɛ luöi week ayadäŋ.

Dhek 6:6

Abël thel ë jöŋgöör col, alɔ piny de Babilonia të lɔ rut. Ku abël thel ë jöŋgöör ɣer, alɔ të lɔ aköl athɛ̈i. Ku abël thel ë jöŋgöör kän lëk, alɔ të lɔ wöuwic.

Nyöŋ 30:4

Cak aa wek ë cï thiäi ë aguuk mec kë piny yiic. Bɛ̈nydït Nhialicdun abï week määtiic ku abï week bɛ̈ɛ̈i ciëën.