Yith 43:5 - JAM DE NHIALIC 2011

⁵ Du riɔ̈c, Yɛn täu wo yïn! “Gɔl të lɔ aköl amiäk, ku të lɔ aköl athɛ̈i, Yɛn bï kɔcku dɔ̈k nïïm baai.

Yith 43:5 ပူးပေါင်းရင်းမြစ်များ

Diɛt 106:47

Kony wook, Bɛ̈nydït Nhialinyda, ku bɛ̈ɛ̈iyë wook ciëën ë juöör yiic. Agoku piɔ̈ɔ̈th miɛt, ku buk rinkuön ɣeriic leec.

Diɛt 107:3

ku puk wenïïm ciëën në wuöt ke juöör yiic, në biäk të lɔ aköl amiäk ku biäk të lɔ aköl athɛ̈i, ku biäk të lɔ rut ku biäk të lɔ wöuwic.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 41:9

Wek kɔc cä ke bɛ̈ɛ̈i ë piny thar, wek aa caal ke në aguuk mec ke piny thar, ku lɛ̈k week, an, wek ee awuutkï. Wek kɛ̈n keek rɛɛc, wek cä ke lɔc.

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 44:2

Yɛn ee Bɛ̈nydït ë cak week, në kööl ɣɔn dhiëëthë week, wek cä kony. Duökï riɔ̈c, wek ee awuutkï, kɔckiën cä lɔc, kɔc nhiaar keek.

Yith 49:12

Kɔckï abïk bɛ̈n të mec, në biäk të lɔ rut, ku të lɔ aköl athɛ̈i, ku në Athwan në biäk de wöuwic.”

Yith 49:18

Caathë yïnyin ku tïŋ kë loi rɔt! Kɔcku amɛ̈ɛ̈tkï röt ke ke bɔ̈ ciëën pinyden! Ke ya ye Nhialic pïïr ë yic, yïn bï rɔt lɛɛc në kɔcku, cït man ye nyan kaman rɔt lɛɛc në atekkɛn ceŋ keek.

Yith 54:3

Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Yith 54:7

“Yïn aa nyääŋ piny në kaam thiinakäŋ, yïn bä pɔ̈k nɔm ciëën në nhiëër dït.

Yith 61:9

Abïk dɛk kɛk në juööriic ëbɛ̈n, raan ëbɛ̈n raan lɔ keek tïŋ abïï ŋic nɔn ye kek kɔc cä keek thieei.”

Yith 8:10

Luɔikï guiɛɛrdun! Ku acïkï bï tiam. Jamkï në jamduön cäk tak! Ku acïnkï naamden, në luɔi tɔ̈u ë Nhialic ke wook.

Jeremia 23:7

Go Bɛ̈nydït lueel an, “Akööl abïkï, akööl cïï kɔc bï bɛ aa kuëëŋ ë Yɛn, Yɛn Nhialic Pïïr raan ë bïï kɔc ke Yithriɛl bei piny ë Rip.

Jeremia 23:8

Abïk aa kuëëŋ ë Yɛn, Yɛn Nhialic Pïïr raan ë bïï baai de Yithriɛl bei piny nu të lɔ rut, ku raan ë bïï ke bei wuöt wään cän ke thiäi thïn kedhie. Ku abïk jɔ rëër pinyden.”

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 42:11

Jakkï riɔ̈ɔ̈c yak wek riɔ̈ɔ̈c në melik de Babilonia pɔ̈l. Yɛn tɔ̈u wo week, ku wek bä kony në riɛlde yic.

Jeremia 51:46

Duökï röt pɛ̈l wei, ku duökï riɔ̈c në biäk de tuum yak piŋ. Në ruöön thok ëbɛ̈n tuum däŋ ee bɛ̈n, tuum në këde akuöörkuöör loi rɔt baai, ku melik athäär ke melikdäŋë.

Jowɛl 3:7

Ku ënɔɔnë, ala keek jɔt të ɣɔn cä wek keek ɣaac thïn. Ku kërɛɛc wään cäk luöi keek, abä bɛ luöi week ayadäŋ.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Dhek 8:7

Acïï Bɛ̈nydït de rɛm lueel an, Kɔckï abä keek luäk bei në wuöt nu të lɔ aköl amiäk ku wuöt nu të lɔ aköl athɛ̈i të cï ë keek lɛɛr thïn,

Luk 13:29

Ku kɔc abïk bɛ̈n të lɔ aköl amiäk ku bïkkï të lɔ aköl athɛ̈i, ku rut, ku wöuwic, bïk ku nyuckï ë ciɛɛŋ de Nhialic yic.

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.