Yith 43:28 - JAM DE NHIALIC 2011

²⁸ ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Yith 43:28 ပူးပေါင်းရင်းမြစ်များ

2 Tham 1:21

“Tɔ cïn thäc ayï deŋ tueny ë kur ke Gilbowa nïïm, ku tɔ duumken gäk ke ke cïï lok! Në biäk cïï kööt ke jööt döŋ ëtɛ̈ɛ̈n në ayäär, kön ë Thaulo akënë bɛ tɔc kɔ̈u ë miök.

1 Lëk 24:5

Ku në biäk de yen bäny juëc ke luɔi de tëɣeric tɔ̈u në mïth ke Eleyadhar ku mïth ke Yithamar yiic, kɔc acïk keek bɛ̈n gäm luɔi, në deeny de gɛk.

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Diɛt 89:39

Yïn cï löŋduön cï mac wekë awundu dhoŋ kɔ̈u, ku dɛɛnyë gölde në dhuur nɔm.

Yith 24:6

Në biäk de ee kënë, Bɛ̈nydït ë piny nɔm cieen. Kɔc nu thïn, acolkï ariöp de awänyden. Kɔc lik kek abï döŋ apïïr.

Yith 34:5

Bɛ̈nydït acï abätäude kiëët paannhial, ku ënɔɔnë abï Edom yup, kɔc cï ke tɔ ye kɔc bï riɔ̈ɔ̈k.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 52:27

tɔ̈u piny de Ɣamath. Ku acï ë melik keek bɛ̈n tɔ dui ëtɛ̈ɛ̈n, ku tɔ keek näk. Ago kɔc ke Juda jɔ peec pinyden ku leer ë keek piny lei.

Dhiëëu 2:2

Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Dhiëëu 4:20

Acïk tëde pïïrda nööm, melik ë lɔc Bɛ̈nydït, raan ë ŋäthku në luöi bïï yen wo gël, të rëër wok ë juöör yiic.

Edhekiɛl 5:15

“Të cän gɔ̈th ku cä piɔ̈u diu arëët wo week, juöör thiääk ë week ëbɛ̈n ayek riɔ̈ɔ̈c. Abïk week aa woi në dhääl, ku dɔlkï wegup.

Danyel 9:11

Kɔc ke Yithriɛl kedhie acïk lööŋku dhoŋ kɔ̈u, ku reeckï këduön cï lueel piŋ. Wok cï wäc ë yïnɔm, ago wok yiɛ̈n acien ke gutguut wään cï gɔ̈ɔ̈r ë lööŋ ke lïmdu Mothe yic.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Danyel 9:14

Yïn Bɛ̈nydït Nhialicda, yïn aacï rɔt guiir bä wook luöi këtuc, ku acï looi, në biäk ee yïn këpiɛth giit ë luɔi aköölnyïïn, ku yïn kënku piŋ thok.

Dhek 5:3

Na wën, ke jɔ lɛ̈k ɛn an, “Kënë aciɛɛn bɔ̈ në pinynɔm ëbɛ̈n. Raan ëbɛ̈n, raan lɔ cuëër abï nyaai në piny yic, acï awerek ye lueel aya në biäk däŋë an raan lɔ kuëëŋ në lueth, abï nyaai në piny yic cït man cï awerek ye lueel.

Dhek 8:13

Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

1 Theth 2:16

Ayek wook pɛ̈n guiëër guïïr wok Juöör jam ë kuny bï ke kony wëi: yen aye kek karɛcken kut nïïm ëcaŋɣɔn: ku agɔ̈th acï bɛ̈n tëde keek ka cïn kë ye döŋ.