Yith 43:27 - JAM DE NHIALIC 2011

²⁷ Kuarkuön ɣɔn thɛɛr acïk wäc, bänykun acïk ɛn luöi awäc,

Yith 43:27 ပူးပေါင်းရင်းမြစ်များ

Diɛt 78:8

Acïkï bï ciët kuarken, kɔc ee gäm rɛɛc ku cïnkï riëëu, kɔc wään cïï Nhialic ee ŋɔ̈ɔ̈th aril, ku cïkï piɔ̈ɔ̈th ee adöt në Yen.

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 28:7

Acakaa nɔn ye bäny ke kake Nhialic ku tït wiɛɛt ë mɔ̈u ku yek tuëk. Acïk wiɛɛt ë mɔ̈n tuc arëët ka yek cath ë käŋkäŋ ke ke cï nïïm nuɔɔn. Tït ke Nhialic acïk wiɛɛt ë mɔ̈n tuc ka acïkï nyuuth cïï Nhialic tuööc ee bɛ yökic, ku bäny ke kake Nhialic acïk wiɛɛt ka acïkï göny cï yiɛ̈n keek ee guiir.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 3:12

Mïth kor ayɔŋkï kɔckï, ku ceŋ diäär keek. Acäk tïŋ ënɔɔnë kɔckï, luɔi kuc ë bänykun week mac, ke cäkï bï ŋic yen kueer wel kek wenïïm thïn

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Yith 51:2

Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Yith 9:15

Bäny kek aye nɔm, ku tït ke Nhialic ee lueth töör kek aye yɔ̈l!

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Jeremia 8:8

Eeŋö ya wek e lueel an, pɛlkï nïïm, ku an ŋiɛckï lööŋkï? Tiëŋkï lööŋ acï ke waar yiic në kɔc ee gär cie adööt.

Jeremia 8:9

Röörkuön pelnïïm acï keek tɔ yäär, acïk nïïm mum ku dɔm keek. Acïk jamdï rɛɛc, ee pɛlënɔm ŋö jɔ tɔ̈u ke keek ënɔɔnë?

Edhekiɛl 16:3

lɛ̈kë Jeruthalem kë lëk Bɛ̈nydït Awärjäŋ en. “Yïn aa dhiëth piny de Kanaan. Wuur aye raan de Amor, ku ye moor nyan de Ɣit.

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Malakai 3:7

Wek ë lööŋkï rɛɛc, ku cäkï keek döt, gɔl në kuarkun alee guut ë week. Puɔ̈kkï wenïïm Ɛn, ku Yɛn bï Yanɔm puɔ̈k week. Ku wek ee bɛ lop an, ‘Buk wonïïm puk adï?’

Kuɛ̈n 32:14

Ku ënɔɔnë wek cï tëde wärkun nööm, rem ë piɛc bɛ̈n de kɔc ee karɛc looi, rɛm cï röt coc kɔɔr bï agöny de Bɛ̈nydït bɛ yiɛ̈n kɔc ke Yithriɛl.

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

Math 27:1

Na ɣɔn amiäk aruu piny, ke bänydït ke kake Nhialic kedhie ku röördït ë kɔc yiic ke ke mɛ̈t kethook Yecu kapäc an, bïk tɔ näk.

Math 27:41

Ku get guöp në bänydït ke kake Nhialic aya, kekë kɔc ee löŋ gɔ̈ɔ̈r ku röördït, luelkï an,

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Romai 5:12

Yen tëde ka, kërac aa bɔ̈ ë piny nɔm në raan tök, ku bɔ̈ thuɔɔu ë kërac cök, go thuɔɔu jɔ lööny ë kɔc gup kedhie, luɔi cï kɔc käŋ wööc kedhie.