Yith 43:21 - JAM DE NHIALIC 2011

²¹ Ayek kɔc ë luɔɔi keek guöpdï, ku abïk diɛt leec kek ɛn ket.”

Yith 43:21 ပူးပေါင်းရင်းမြစ်များ

Diɛt 102:18

Gäärkï kë cïï Bɛ̈nydït looi piny në biäk de rem bï lɔ̈ɔ̈k bɛ̈n ciëën, ago kɔc ŋoot ke ke kënë kɔn dhiëëth ye leec.

Diɛt 102:19

Bɛ̈nydït ee piny woi tëdɛn ɣeric nu nhial, ee piny nɔm woi ke nu paannhial.

Diɛt 4:3

Ŋiɛckï apiɛth, nɔn cï Bɛ̈nydït kɔc piɛthpiɔ̈ɔ̈th lɔc bïk aa kɔc ke naamde, ku ee ya piŋ thok të caal ɛn En.

Diɛt 79:13

Ku wook, wok kɔcku, wok thök ke lunydu, Yïn buk aa leec aɣet athɛɛr, ku piɔnyku Yïn në akööl bɔ̈ yiic kedhie.

Kɛ̈ŋ 16:4

Bɛ̈nydït ee këriëëc looi ke de kë lui yen, ayï kɔc ee karɛc looi në akööldɛn ë riääk.

Yith 42:12

Takkï kɔc rɛ̈ɛ̈r në piiny mec gëm lɛc ku dhuëëŋ Bɛ̈nydït!

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 50:7

Ku lɛ̈ɛ̈tken acïï ya bï gäm jiɛthëpiɔ̈u në biäk ye Bɛ̈nydït Awärjäŋ ya kony. Guɔ yapiɔ̈u ruut bä ke guum. Aŋiɛc nɔn cän bï yäär,

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 13:11

Cït man ye lupɔɔ lɔ dekdek ë raan kɔ̈u, yen ayan baai de Yithriɛl kekë baai de Juda kɔɔr bïk röt muɔ̈k ë Yɛn ë dekdek. Yɛn aa loi ee kënë agokï aa kɔckï, ku agokï dhuëëŋ ku riëëu alɛɛc yiɛ̈n rinkï, ku akënkï Ya riëëu.”

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Malakai 3:17

Ku lueel ë Bɛ̈nydït de rɛm an, “Abïk aa kɔc piɛthkï, në kööl bï Yɛn luɔi looi. Yɛn bï piɔ̈u kok wo keek arëët cït man ye wun meth piɔ̈u kok ke wëndɛn ee yen ŋiëc luööi.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

Epethiei 3:21

ë lɛc tɔ̈u ke Nhialic në ɣön ë Nhialic yic ku në Kërtho Yecu yic në rɛm yiic ëbɛ̈n aɣet thɛɛr wadäŋ. Amiin.

Kolothai 1:16

Käŋ acï ke cak ë yeyic kedhie, ka nu paannhial ayï ka nu ë piny nɔm, ka duëërë tïŋ ku ka cïï duëërë tïŋ, nɔn ee kek riɛl de meliik, ku nɔn ee kek bäny ceŋ piny, ku nɔn ee kek ciɛɛŋ, ku nɔn ee kek riɛl, käŋ aake cak në yen kedhie, ku aake cak në këde.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.