Yith 43:20 - JAM DE NHIALIC 2011

²⁰ Ayï läi roor abïk A dhuëëŋ guöp, kɔ̈ɔ̈rgɔl ku wuut abïk A piɔɔny, të le Yɛn kiɛɛr tɔ wat ë jɔ̈ɔ̈r yic, ke ya gëm kɔckiën cä lɔc pïïu.

Yith 43:20 ပူးပေါင်းရင်းမြစ်များ

1 Lëk 16:13

Yak kake gäi cïï Nhialic ke looi tak, ku guëër de löŋ cï looi.

Diɛt 104:21

Kɔ̈ɔ̈r ayek cath ke ke kïïu të le kek yäp, lek köör ë këcam cï Nhialic yiɛ̈n keek.

Diɛt 148:10

Läi roor ku ɣɔ̈k kedhie, kak ee mol piny, ku diɛt ee päär!

Diɛt 33:12

Thieithieei në jur ye Nhialicde Bɛ̈nydït, thieithieei në kɔc cï ke lɔc bïk aa kɔcke.

Yith 13:22

Ɣööt bär ku ɣööt ke bääny ayek awuɔɔu de aŋuööth ku kɔ̈ɔ̈rgɔl aa gamic ëbɛ̈n. Kööl de Babilon ëbɛ̈n! Aköölke acïk thiɔ̈k ë thök.”

Yith 30:25

Në kööl bï wëth ke kɔc ke aterdun dɔm ku näk kɔc nu thïn, abï dɛ awɛɛŋ ke pïïu bï riŋ ke ke bɔ̈ piny në kur nïïm ku ɣään thöny ëbɛ̈n.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 33:21

Bɛ̈nydït abï wo nyuöth dhuëëŋde. Wok bï rëër në kiɛɛrdït ku nyïïn ke pïïu dït thook, ku abëël wïïr ke kɔc ke ater acïkï bï aa tem thïn.

Yith 35:7

liɛɛt tuc dɛ̈p abï aa baar ë pïïu, ku piny ril abï thiäŋ kekë nyïïn ke pïïu. Të ɣɔn ye kɔ̈ɔ̈rgɔl cieŋ, wal juëc ku aguöt abïk cil thïn.

Yith 41:17

“Të le kɔckï pïïu lɔ kɔɔr, të cïï kek röt ril wei në rou, ke Yɛn Bɛ̈nydït, Yɛn bï lɔ̈ŋden piŋ, Yɛn Nhialic de Yithriɛl, Yɛn cïï kɔckï bï kɔn päl wei.

Yith 41:18

Yɛn bï kiɛɛr tɔ tëk në kɛm ke kur kor cïn ka ye cil thïn ku nyïïn ke pïïu tëk në wëk yiic. Yɛn bï jɔ̈ɔ̈r puk ke ye awuul ke pïïu ku pɔ̈k piny cï riɛl ke ye nyïïn ke pïïu.

Yith 43:19

Wɔikï ka bä ke piac looi. Acïk röt guɔ looi, aduëër ë tïŋ ënɔɔnë! Yɛn bï kueer ee tëëk ë jɔ̈ɔ̈r yic looi, ku yiɛ̈n week nyïïn ke pïïu ëtɛ̈ɛ̈n.

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Jowɛl 3:18

“Ku në ee köölë, kur abïk aa thuat në mɔ̈n kuil, ku wat kur kor nïïm në ca, ku nyïïn ke pïïu ke Juda, abïk wat në pïïu kedhie. Ku awaŋ de pïïu abï rɔt mɔc nhial Luaŋdït, ku piɔɔk wak de Akacia yic.

Mak 13:20

Ku tëë Bɛ̈nydït kën aköölkë tɛm kɔ̈ɔ̈th, adï cïn kɔc bï luök: ku në baŋ de kɔc cï lɔc, kɔc wään cï meek, en acï en aköölkë tɛm kɔ̈ɔ̈th.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.