Yith 43:2 - JAM DE NHIALIC 2011

² Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 43:2 ပူးပေါင်းရင်းမြစ်များ

Jop 5:19

Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Diɛt 23:4

Na ya cak cath në wak de mɔ̈ɔ̈th dïït lɔcɔ̈t yic, yɛn cie riɔ̈ɔ̈c në kërac, në luɔi tɔ̈u ë Bɛ̈nydït ke yɛn. Thienydu ku waidu ayek ɛn tɔ mit piɔ̈u.

Diɛt 32:6

Yen aduëër ë raan cï yï gam ëbɛ̈n Yïn aa lɔ̈ŋ në akööl ke nuan, të bïï amool de riääk ke riŋ, acïï ke bï gïth.

Diɛt 66:10

Nhialic, Yïn cï wo tääu në thëmic, cït man ye ateek lëëŋ në mac yen luöi cï Yïn wo them ka.

Diɛt 66:12

Yïn cï kɔc ke aterda, tɔ dum wook, wok cï tëëk në macic kekë amool, ku ënɔɔnë Yïn cï wo bɛ̈ɛ̈i tëde kuɔɔny.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Bɛ̈n 14:29

Ku kɔc ke Yithriɛl aake cath në wɛ̈ɛ̈ric tëril, ku päny ke pïïu në keŋɛŋ baŋ cuëc ku baŋ cam.

Bɛ̈n 3:12

Go Nhialic lueel an, “Yɛn bï tɔ̈u wo yïn, ka wadäŋ të le yïn ke bɛ̈ɛ̈i bei paan ë Rip, wek bï bɛ̈n lam në ee kuurë nɔm eenë. Yen abï ye jɔ ŋic nɔn ee Yɛn ë toc yïn.”

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Yith 30:27

Riɛl ku dhuëëŋ de Bɛ̈nydït aduëër ë tïŋ tëmec. Tol kekë mac anyoothkï agönhde. Bɛ̈nydït ee jam ku dɛ̈p wëlke cï mac.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 43:5

Du riɔ̈c, Yɛn täu wo yïn! “Gɔl të lɔ aköl amiäk, ku të lɔ aköl athɛ̈i, Yɛn bï kɔcku dɔ̈k nïïm baai.

Jeremia 42:11

Jakkï riɔ̈ɔ̈c yak wek riɔ̈ɔ̈c në melik de Babilonia pɔ̈l. Yɛn tɔ̈u wo week, ku wek bä kony në riɛlde yic.

Jeremia 46:28

Yɛn bï bɛ̈n tëde week ku kuɔny week. Yɛn bï juöör riɔ̈ɔ̈k ëbɛ̈n, të cän week thiäi piny, ku wek cä ke bï riɔ̈ɔ̈k. Ku we cä bï pɔ̈l ke we kën luöi këtuc, ku të lan week luöi këtuc, abä looi arɔ̈ŋ. Acä lueel, Yɛn Bɛ̈nydït.”

Danyel 3:23

Go yï Cadrak, ku Mecak, ku Abenego, lööny ë macic cil ke ke ŋoot ke ke duööt.

Ɣagai 1:13

Na wën, ke Ɣagai tuny guïïr kɔc jam ë Bɛ̈nydït, lëk keek an, “Acï Bɛ̈nydït lueel an Yɛn bï tɔ̈u wo week.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

2Tim 4:22

Ë Bɛ̈nydït Yecu Kërtho ë ye tɔ̈u ke wëiku. Ë dhuëëŋdepiɔ̈u ë ye tɔ̈u ke week wedhie Amiin

Ɣeberuu 11:29

Aa ye gäm de yic aŋäth yen aa tɔ kɔc ke Yithriɛl tem Wɛ̈ɛ̈r Thith kɔ̈u ke ye tëril ciɛth kek, na wën aa them kɔc ke Rip en, ke ke jɔ pïïu guɔ mät nïïm ku moukï kedhie.

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.