Yith 43:19 - JAM DE NHIALIC 2011

¹⁹ Wɔikï ka bä ke piac looi. Acïk röt guɔ looi, aduëër ë tïŋ ënɔɔnë! Yɛn bï kueer ee tëëk ë jɔ̈ɔ̈r yic looi, ku yiɛ̈n week nyïïn ke pïïu ëtɛ̈ɛ̈n.

Yith 43:19 ပူးပေါင်းရင်းမြစ်များ

Diɛt 105:41

Ku liep kur yiic, go pïïu dhuŋ bei, ku jɔkï wat ë jɔ̈ɔ̈r yic cït man ë kiir.

Diɛt 126:4

Bɛ̈nydït acï wook bɛ tɔ kueth, cït man ye deŋ pïïu bɛ̈ɛ̈i në kiɛɛr cï dëu yiic.

Bɛ̈n 17:6

Yɛn bï lɔ kɔ̈ɔ̈c në yïnɔm në kuur ë Thinai. Lɔ tɔŋ kuur kɔ̈u, ku pïïu abïk bɛ̈n bei thïn në yeyic, ke kɔc ë ke bï dek.” Go Mothe looi aya në röördït ke Yithriɛl nïïm.

Yith 30:25

Në kööl bï wëth ke kɔc ke aterdun dɔm ku näk kɔc nu thïn, abï dɛ awɛɛŋ ke pïïu bï riŋ ke ke bɔ̈ piny në kur nïïm ku ɣään thöny ëbɛ̈n.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Yith 33:21

Bɛ̈nydït abï wo nyuöth dhuëëŋde. Wok bï rëër në kiɛɛrdït ku nyïïn ke pïïu dït thook, ku abëël wïïr ke kɔc ke ater acïkï bï aa tem thïn.

Yith 35:1

Jɔ̈ɔ̈r abï piɔ̈u miɛt, ku wal abïk gaak moc ë jɔ̈ɔ̈ric.

Yith 41:18

Yɛn bï kiɛɛr tɔ tëk në kɛm ke kur kor cïn ka ye cil thïn ku nyïïn ke pïïu tëk në wëk yiic. Yɛn bï jɔ̈ɔ̈r puk ke ye awuul ke pïïu ku pɔ̈k piny cï riɛl ke ye nyïïn ke pïïu.

Yith 41:19

Yɛn bï thidar tɔ cil në jɔ̈ɔ̈ric, ku tiim ke akacia ku rɛ̈t, ku tiim ke olip. Roor abï cil piny cïï wal ë cil thïn, roor de tiim ke enap ku tiim ke juniper ku tiim ke ameth.

Yith 42:9

Ka ɣɔn cä ke caar acïk bɛ̈n ke ke ye yith. Ënɔɔnë wek bä ke lɛ̈k ka cï piac bɛ̈n, na cakaa kek ë ŋoot ke ke kën guɔ tuöl.”

Yith 48:5

Ku Yɛn cï wadäŋdun caar ɣɔn thɛɛr, caal ka bï röt looi ke ke guɔ tuöl, pɛ̈n ɛn week kë bäk lueel an ee yiëthkun ku ka yak käär kek ë tɔ ke loi röt.

Yith 48:6

“Ka ɣɔn cïï lueel kedhie acïk röt looi, abäk dhil gam nɔn ye ka cä caar aa yith. Ënɔɔnë wek bä bɛ lɛ̈k ka bï bɛ bɛ̈n, ka kɛ̈n keek kɔn nyooth ɣɔn.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Jeremia 23:7

Go Bɛ̈nydït lueel an, “Akööl abïkï, akööl cïï kɔc bï bɛ aa kuëëŋ ë Yɛn, Yɛn Nhialic Pïïr raan ë bïï kɔc ke Yithriɛl bei piny ë Rip.

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Kuɛ̈n 20:11

Go Mothe thieec yɔɔk ku yum en kuur kɔ̈u raan rou, go pïïu juëc lɛ̈u. Go akutnɔm de kɔc dek kedhie ku dëk këriëëcden ëbɛ̈n.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Nyöŋ 8:15

Acï week wat në ee jɔ̈ɔ̈r dït ë riɔ̈ɔ̈cë yic ëbɛ̈n, të de yic karɛc ayï manciëëi de thok wurïï. Yen piny ril cïn yic pïïu. Acï pïïu bɛ̈n tɔ bɔ̈ bei ë kuur lɔ giliu yic në këdun.

Nyuuth 21:5

Go Raan rɛ̈ɛ̈r ë thöönydït nɔm lueel, an, “Tiëŋkï, yɛn nyɔk käŋ ë luɔi kedhie!” Go ya yɔ̈ɔ̈k an, “Gäär: luɔi le wëlkë gɔk ku yek yith.”