Yith 43:16 - JAM DE NHIALIC 2011

¹⁶ Ɣɔn thɛɛr Bɛ̈nydït acï kueer looi, kueer ee tëëk në wɛ̈ɛ̈ric, kueer ee tëëk në kuëër de pïïuwiic.

Yith 43:16 ပူးပေါင်းရင်းမြစ်များ

Neɣe 9:11

Në wɛ̈ɛ̈ric, Yïn cï kueer luöi kɔcku, ku tɛ̈ɛ̈kë ke tëril. Ku mɔu kɔc cop keek piny ë pïïu thäär të thuth, cït man ë kɔi cï dïïr në apiöŋ dïït ë wɛ̈ɛ̈ric.

Diɛt 106:9

Acï Wɛ̈ɛ̈r thith yɔ̈ɔ̈k, ago yic ril wei, acï kɔcke bɛ̈n tɔ tëm piny ril, cït man ë jɔ̈ɔ̈r.

Diɛt 77:19

Yïn ee cath në apiöökic, ku tem wɛ̈ɛ̈r thuth, ku të cï käc në Yïcök acïï duëërë tïŋ.

Diɛt 77:20

Yïn ee kɔcku wat cït man ë tïït, ku nu Mothe kekë Aron në kenïïm.

Diɛt 78:13

Acï wɛ̈ɛ̈r tekic, ku tɛ̈ɛ̈k keek në yeyic, go pïïu tɔ kääc cït man ë päny.

Bɛ̈n 14:16

Ku yïn, yaakë thienydu nhial në wɛ̈ɛ̈r nɔm. Pïïu abïk keyiic tek, ku kɔc ke Yithriɛl abïk wɛ̈ɛ̈r teem ke ke cath tëril.

Bɛ̈n 14:29

Ku kɔc ke Yithriɛl aake cath në wɛ̈ɛ̈ric tëril, ku päny ke pïïu në keŋɛŋ baŋ cuëc ku baŋ cam.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 44:27

Në wɛ̈t de yöök, Yɛn cï Abäpdit tɔ dëu.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Yith 51:10

Aa ye yïn ë tɔ wɛ̈ɛ̈r tɔ dëu aya ku loi kueer në pïïu yiic, ago kɔckuön kɔɔr bä ke kony wɛ̈ɛ̈r teem.

Yith 51:15

“Yɛn Bɛ̈nydït Nhialicdun, Yɛn cï wɛ̈ɛ̈r liääp ku ta apiɔ̈ŋde wuur. Rinkï acɔlke Bɛ̈nydït de rɛm!

Jeremia 31:35

Bɛ̈nydït ë aköl bɛ̈ɛ̈i bï ɣɛɛr looi aköl, ku pɛɛi ku kuɛl bïk aa riau wakɔ̈u. Acï wɛ̈ɛ̈r tuökic nhial ku tɔ apiöök wuur, rinke acɔl ke Bɛ̈nydït de rɛm.

Nyuuth 16:12

Ku luuŋ dhetemden gulde ë wɛ̈ɛ̈r ë Yuparatic, go pïïuke dëu, ke kueer bï luöi meliik bɔ̈ të lɔ aköl amiäk.