Yith 43:12 - JAM DE NHIALIC 2011

¹² Yɛn cï kë bï tuöl bɛ̈n caar, ku yɛn cï bɛ̈n bɛ̈n bä we kony. Acïn yanh alei cï kë cït ee kënë kɔn looi, wek ee cäätɔɔkï.

Yith 43:12 ပူးပေါင်းရင်းမြစ်များ

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 37:7

Bɛ̈nydït abï melik de Athiriya tɔ piŋ thoŋ lɔ riäuriäu bï yen tɔ puk yenɔm wunden, ku abï Bɛ̈nydït tɔ näk ëtɛ̈ɛ̈n.”

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Yith 55:4

Acä looi ke ye bɛ̈ny, ku ye bɛ̈ny tueŋ de juöör, ku në kueerde yɛn cï riɛldï bɛ̈n nyuöth keek.

Nyöŋ 32:12

Bɛ̈nydït yetök ee yen wat kɔcke, ke cïn kuɔny de yiëth kɔ̈k ë tɔ̈u kekë Yen.

Nyöŋ 32:16

Ku lämdɛn ë yiëth acï Bɛ̈nydït dɔ̈m tiɛl, ku kërɛɛc cïk looi acï yen tɔ göth.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.