Yith 42:6 - JAM DE NHIALIC 2011

⁶ “Yɛn Bɛ̈nydït wek cä cɔɔl ku gäm we piathëpiɔ̈u, ke bä tïŋ nɔn bïï ë yic looi në pinynɔm. Cakaa yïn we yɛn ë mac löŋ në kɔc kedhie, në kueerdu we yɛn we bï ɣɛɛr yiɛ̈n juöör.

Yith 42:6 ပူးပေါင်းရင်းမြစ်များ

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 27:3

“Aya tiit ku piaak anande. Aya gël wakɔ̈u ku aköl ke cïn raan bï ye luöi tëtök.

Yith 32:1

Në akööl bï bɛ̈n ade melik bï bääny muk në piathëpiɔ̈u, ku bäny ke baai abïk baai mac në yic.

Yith 41:13

Yɛn ee Bɛ̈nydït Nhialicdun, wek bä tɔ ril, ku yɔ̈ɔ̈k week an, ‘Duökï bï riɔ̈ɔ̈c, wek bä ke kony.’”

Yith 41:2

“Eeŋa yen ë bïï raan bï kɔc bɛ̈n tiaam, të lɔ aköl amiäk, ku jɔ rɔt looi ke ye raan cï tiam në ɣään cïï yen ke lɔ thïn kedhie? Eeŋa tɔ ye tiam meliik ku juöör? Aye abätäude ke yuöp piny cït abuui. Aye dhɛ̈ŋke ke riäär piny cï wal gɔp ë yom.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 45:1

Bɛ̈nydït acï Thairuth kuany ke ye melik! Aa kuɛny ke bï juöör peec, aa tooc bïï riɛl de meliik lɔ nyaai, Bɛ̈nydït abï thook ke kɛ̈l ke pänydït liëp thook en. Ku aye Bɛ̈nydït lɛ̈k Thairuth an,

Yith 45:13

Yɛn cï Thairuth jat nhial ë piathëpiɔ̈u bïï ka cä lɛ̈k en looi, ku jɔ käŋ kiɛm piny apiɛth. Yɛn bï kueerdɛn ee yen tëëk thïn tɔ lɔ riny. Abï pänydiën dït Jeruthalem nyɔk në yïk, ku tɔ kɔckiën cï peec tɔ lääu nïïm. Acïn raan cï yen riɔp, ku cïn raan cï yen kumthok bïï ee kënë looi.” Acïï Bɛ̈nydït de rɛm lueel.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 49:8

Aye Bɛ̈nydït lɛ̈k kɔcke an, “Të le ë kööl bïï ë we luök bɛ̈n, wek bä nyuöth piath, ku yɛn bï dhiëndun kaar wek kuɔɔny bɛ̈ɛ̈r. Wek bä tiit ku gɛ̈l week ku në kueerdun yɛn bï mät looi wo kɔc kedhie. Wek bä bɛ tɔ ɣap pinyduön cï tɔ ye kë cï pɔ̈l ënɔɔnë.

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Luɔi 13:47

Yen aye kë cï Bɛ̈nydït thɔ̈n wo an: ‘Yïn cä tääu bä ya këɣeer bï Juöör aa riaau, ku bä ya këde kunydewëi aɣet të le piny thar guut.”’

Luɔi 26:23

an, bï Kërtho këtuc dhil guum, ku bï aa raan bï rɔt kɔn jɔt ë kɔc cï thou yiic, ago kɔc guiëër jam de ɣɛɛrëpiny, ayï Judai ayï Juöör.

2 Kor 1:20

Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook.

Ɣeberuu 12:24

Ku yïn bï Yecu yök raan ee kɔc määt në löŋ cï piac mac, ku lëu cï Ye lɛ̈u riɛm, aluel kë ŋuän wär riɛm de Abel.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 7:2

Abraɣam acï töŋ thiëër ë käŋ kedhie bɛ̈n gäm en, ka wään puk nïïm tɔŋ. Ke lueel ë rin ke Melkidhedek “Ee meliŋ de piathëpiɔ̈u” ku në luɔi yen meliŋ de Thalem, kë lueel rinke Thalem ee mät.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

Ɣeberuu 8:6

Ënɔɔnë Kërtho acï lɔc bï luui ke ye Bɛ̈ny ë kake Nhialic në kueer ŋuän arëët awär këden. Ku löŋ cï mac yen kɔc määt ë kaam ë Nhialic kekë kɔcke aŋuän arëët awär kë thɛɛr në luɔi kɛ̈ɛ̈c en në aŋäth ŋuän kɔ̈u.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.