Yith 42:5 - JAM DE NHIALIC 2011

⁵ Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 42:5 ပူးပေါင်းရင်းမြစ်များ

Cäk 1:1

Të ɣɔn thɛɛr gɔl ë käŋ, Nhialic ë tënhial cak kekë piny.

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

Jop 12:10

Ciinde yen apïïrë kë ë ciɛk ëbɛ̈n, ayï wëi ëbɛ̈n ye mɛnh ë raan ke wëi.

Jop 27:3

na ŋuɔt ke ya wɛ̈ɛ̈i ku ŋoot wëi ke Nhialic ke ke bɔ̈ bei në yawum,

Jop 33:4

Wëidït ke Nhialic Awärjäŋ acïk ya looi ku gëmkï ya pïïr.

Jop 34:14

Na cï Nhialic wëike pïïr dɔk nïïm,

Diɛt 136:6

acï piny yïk në pïïu thiäŋ nïïm, nhiëërdɛn agɔk atɔ̈u athɛɛr.

Diɛt 33:6

Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

Diɛt 96:5

Kɔc ke pinynɔm ayek yiëth lam, ku Bɛ̈nydït Yen aa cak paannhial.

Yith 37:16

“Bɛ̈nydït de rɛm, Nhialic de Yithriɛl, thöönydu anu ë kaam de wuök ke cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Yith 40:12

De raan duëër dït de abäpdit yic them në yeciin, ku nɔn them en paannhial në yeciin? De raan duëër tiɔɔm de piny nɔm muk në abïny ku nɔn them thiɛk de kuur në kë ye thëm?

Yith 40:22

Aa looi ë raan cï nyuc në thööcde nɔm nhial në piny nɔm ku tënhial kɔ̈u, kɔc ayek ciët amujuŋ të woi yen keek piny, go tënhial thieth cï lupɔ, ku cït paany të ceŋ.

Yith 40:26

Tïŋ tënhial! Eeŋa cak kuɛl ye tïŋ? Raan ee keek wët bei cït rem de tɔŋ, aŋic yek dï ëtɛ̈ɛ̈n ku aye ke cɔɔl ëtök, tök në rin! Riɛlde adït arëët, acïn töŋ liu në ke yiic!

Yith 40:28

Cïï ŋic? Kɛ̈në piŋ? Bɛ̈nydït ee Nhialic tɔ̈u athɛɛr, ee yen aa cak ë piny thar ëbɛ̈n. Acie dak ku acie bäp. Acïn raan ee täŋde yökic.

Yith 44:24

“Yɛn ee Bɛ̈nydït, konydun, Ee Yɛn ee raan ë cak week. Ee Yɛn Bɛ̈nydït, Aciëŋ de këriëëc ëbɛ̈n. Ee Yɛn a tök Yɛn aa thieth paannhial, wään luɔi ɛn piny, acïn raan cï ya kony.

Yith 45:12

Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 48:13

Cinkï kek aa loi këërkëër de piny, ku thiɛth Paannhial. Ɣɔn caal Ɛn piny ke të nhial, gokï bɛ̈n raan tök ku nyoothkï röt.

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Jeremia 10:12

Bɛ̈nydït aa loi piny ë riɛlde, ku ciɛk piny nɔm ë pɛlënɔmde, ku thieth tënhial.

Jeremia 27:5

“Ee Yɛn ë cak pinynɔm në riɛldiëndït, ku cak kɔc ku läi, ku gäm raan cä tïŋ ke piɛth të de Yɛn.

Jeremia 32:17

“Bɛ̈nydït Awärjäŋ, Yïn cï tënhial kekë piny cak, në riɛlduön dït, acïn kë ril arëët tëde yïn.

Jeremia 38:16

Go melik Dhedekia Jeremia lɛ̈k gutguut ë cuëër an, “Yɛn cï kuëëŋ në rin ke Nhialic pïïr, Nhialic ee wook gäm pïïr, nɔn cän yïn bï nɔ̈k, ku yïn cä bï gäm kɔc kɔɔr bïk yïn nɔ̈k.”

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Amoth 9:6

Bɛ̈nydït ee ɣönde yïk paannhial. Ku pinynɔm, acïï Yen gëlgël de tënhial nöök. Ee pïïu ke wɛ̈ɛ̈r cɔɔl, piɔɔk En ke tiɔp nɔm. Rinke acɔl ke Bɛ̈nydït!

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Luɔi 17:24

Nhialic, Raan ë cak piny ku ka nu ë yenɔm kedhie, luɔi ee yen Bɛ̈nydïït de paannhial ku piny, acie rëër ë luëk yiic, luëk cï yïk ë kɔc cin.

Luɔi 17:25

Ku acie kony ë kɔc cin, cït nɔn dɛk en ë käŋ, ee yen ee kɔc miɔɔc kedhie në pïïr, ku wëi, ku käŋ kedhie.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.