Yith 42:25 - JAM DE NHIALIC 2011

²⁵ Ago wook tɔ yök rac de agönhde ku gumku akuöörkuöör de tɔŋ. Go agönhde dëp cï mac në Yithriɛl yic ëbɛ̈n, ku wok kuc kë loi rɔt, acïn kë cïï wok wëët në ye yic taitai.

Yith 42:25 ပူးပေါင်းရင်းမြစ်များ

2 Mel 25:9

Go Luaŋdït ɣɔ̈k mac, ku ɣön ë melik ku ɣööt ke Jeruthalem ëbɛ̈n, ɣön dït ëbɛ̈n acï nyuɔp piny.

Jop 40:11

Tïŋ kɔc ee röt tɔ dït, ku ŋɛ̈nyë keek, kuɔɔrë ke piny.

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Yith 47:7

Aa ye tak nɔn bïï yïn aa nya bɛ̈ny ë ceŋ, ku kɛ̈në ee kake tääu në yïpiɔ̈u, ku kɛ̈në tak nɔn bï kek thök ëbɛ̈n adï.

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 57:1

Kɔc piɛth ayek thou, ku acïn raan ee ye yökic, ku cïn raan diɛɛr në yen. Ku të cï kek thou acïn riäŋ ee ke yök.

Yith 57:11

Aye Bɛ̈nydït lueel an, “Kek yiëthkë yek yïŋa, ka ayek week tɔ riɔ̈c, ka wek ee ya lɛ̈k lueth ku määrkï nïïm në Yɛn taitai? Cäk riëëu aa wek a riëëu pɔ̈l, në luɔi cän mim në kaamdït yic?

Yith 9:13

Kɔc ke Yithriɛl akënkï kepiɔ̈ɔ̈th puk, cakaa nɔn cï Bɛ̈nydït de rɛm ke luöi katuc, akënkï röt pɔ̈k En.

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Jeremia 12:11

Acïk looi ke ee jɔ̈ɔ̈r, atɔ̈u ke cï riääk ë yanɔm. Piny ëbɛ̈n acï aa jɔ̈ɔ̈r, ku acïn raan ee ye tak.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 7:20

Ka Yɛn Bɛ̈nydït Awärjäŋ, Yɛn bï agönhdï wäl ee Luaŋdït guöp. Ku abä wäl në kɔc gup ku läi gup akït, ayï tiim ku rap. Agönhdï abï ciët many cïn raan ee ye tɔ liu.

Dhiëëu 2:3

Acï riɛl de Yithriɛl ëbɛ̈n dhuɔŋ piny në agönhdɛn tuc. Akën keek kony wën cïï kɔc ke aterden bɛ̈n. Acï yenyin wël wook në agönh cït many dɛ̈p nyop këriëëc ëbɛ̈n.

Dhiëëu 2:4

Acï wiɛth ke dhɛ̈ŋkë wël nɔm wook cï raan de ater. Acï kɔc ee wook miët piɔ̈ɔ̈th ku kɔc ee wook tɔ lɔ piɔ̈ɔ̈th yum nɔ̈k kedhie. Wok cï atuöc de agönhde yök ë nyan de Dhiɔn yic eenë.

Edhekiɛl 20:34

Wek bä nyuöth riɛldï ku agönhdï, të lan week lɔ määt yiic tëtök, ku bɛ̈ɛ̈i week ciëën në wuöt ke piny nɔm yiic ëbɛ̈n, ɣään wään cïï ë week thiäi thïn.

Ɣodh 7:9

Juöör athölkï riɛl de Yithriɛl wei, ku akuc ë Yithriɛl. Ku Yithriɛl ë nɔm lou ke kuc në yepiɔ̈u.

Naɣum 1:6

Eeŋa duëër agönhde guum? Eeŋa duëër abiɔ̈r de ŋeenyde lëu në guöm? Ee agönhde luööŋ piny cït man ë mac, ku kur ayek röt mot në Yenɔm.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.