Yith 42:24 - JAM DE NHIALIC 2011

²⁴ Eeŋa ë gëm kɔc ke Yithriɛl cuɛ̈ɛ̈r ee kɔc rum? Aa ye Bɛ̈nydït guöpde, raan cuk luöi awäc! Wok kën rëër në kueer köör wook bïï wok rëër ku rïïuku wëët cï gäm wook.

Yith 42:24 ပူးပေါင်းရင်းမြစ်များ

2 Lëk 15:6

Jur ee jurdäŋë yɔŋ, ku pänydït ee pänydït däŋ yɔŋ, në biäk cïï Nhialic riääk ku nuɛɛn bɛ̈ɛ̈i ë kegup.

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Diɛt 81:12

Aguɔ keek tɔ lɔ në kueerdɛn de dhɔ̈ɔ̈nic, ku loikï këdɛn kɔɔrkï.

Diɛt 81:13

Anhiaar aläl ë luɔi duëër ë kɔckï jamdï piŋ, ku nhiaar aya ë luɔi duëër kek a riëëu!

Yith 30:15

Bɛ̈nydït Awärjäŋ, Nhialic Ɣeric de Yithriɛl aye lɛ̈k kɔc an, “Bäkkï ciëën ë määth ku ŋäthkï Yɛn. Ke we bï riɛl ku täukï ë mätic.” Ku wek cï jaai në luɔi bä wek e looi!

Yith 42:23

Eeŋa në we yiic raan duëër ee kënë piŋ? Gɔl ënɔɔnë ku lee tueŋ, bäk aa piŋ apiɛth?

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Yith 48:18

“Na piɛŋkï lööŋ cä lɛ̈k week tei! Ke athiɛɛi aduëër we kuany cök cït man ë nyin ë pïïu cie dëu! Ku piathëpiɔ̈u aduëër ciët apiöŋ de pïïu në wɛ̈ɛ̈r yɔu.

Yith 57:17

Yɛn aa göth wo keek në biäk de awɛ̈ɛ̈cken ku dït ë piɔ̈ɔ̈thken, ku ëtɛ̈ɛ̈n guɔ ke luöi këtuc ku päl keek. Ku ŋootkï ke ke ril nïïm, ku ŋootkï ke ke cath në kueerdɛn thɛɛric.

Yith 63:10

ku acïk bɛ̈n rɛɛc ku tɔkï wëidït ɣerke göth. Ago Bɛ̈nydït ja aa raan de aterden ku thɛ̈ɛ̈r ke keek.

Jeremia 44:10

Ku agut cï ee köölë wek kën röt kuɔɔr piny. Wek kën ya riëëu, ku wek kën rɛ̈ɛ̈r në wɛ̈ɛ̈t de lööŋkï yiic, lööŋ cä gäm week ë kuarkun.

Jeremia 5:15

Baai de Yithriɛl, Bɛ̈nydït abï jur bɛ̈ɛ̈i tëmec bïï we bɛ̈n mak. Ee jur thɛɛr ku ril, jur cä wek thoŋde ŋic.

Dhiëëu 1:14

“Acï karɛckï ŋic kedhie ku duut keek ëbɛ̈n tëtök. Ku nɔ̈ɔ̈k keek ë yayeth, aguɔ jɔ kɔ̈c në ɣɔ̈ɔ̈cden. Bɛ̈nydït acï yɛn gäm kɔc ke aterdï, ka yɛn cï nɔm ciën kony ë kenïïm.

Dhiëëu 1:18

“Ku Bɛ̈nydït apiɛth piɔ̈u, në biäk kɛ̈n ɛn En riëëu guöp. Piɛŋkï këdï, wek kɔc ceŋ piny nɔm ëbɛ̈n, tiëŋkï yɛn në arɛɛmdï yic. Dhuökï ku duetkï acï keek jɔt ke ke cï peec.

Danyel 1:2

Go Bɛ̈nydït Nebukadnedhar tɔ pec Jeɣoyakim, ku jɔt wëu kɔ̈k ke ɣön ë Nhialic. Ku jɔt ka kɔ̈k cï peec leer keek paande tɛ̈ɛ̈u ke ë luaŋ yaathde yic.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Math 22:7

Na wën, acï melik e piŋ, ke göth, go remdɛn ë tɔŋ tooc, lek kɔc ee kɔc nɔ̈kë nɔ̈k, ku nyop pänydɛndït ë mac.

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Bäny 10:7

Go Bɛ̈nydït gɔ̈th ke keek, ago ke tɔ yɔŋ ë kɔc ke Pilithiin ku kɔc ke Ammon. Aa gɔl rɔt në thon de Jayir cök.

Bäny 2:14

Go Bɛ̈nydït piɔ̈u diu kekë kɔc ke Yithriɛl, go keek tɔ mɛk ë kɔc ee käŋ peec ku peckï keek. Acï kɔc ke aterden thiääk në keek tɔ tiam keek, ago kɔc ke Yithriɛl nïïm jɔ ciën riɛl kony kek röt.

Bäny 3:8

go Bɛ̈nydït jɔ gɔ̈th kekë Yithriɛl ku tɔ Melik de Kucan Ricathiam de Methopotamia tɔ tiam keek ku kuum keek në run kabɛ̈t.