Yith 42:16 - JAM DE NHIALIC 2011

¹⁶ “Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 42:16 ပူးပေါင်းရင်းမြစ်များ

Diɛt 94:14

Bɛ̈nydït acïï kɔcke bï nyääŋ piny, acïï kɔc ke nɔmde bï pɔ̈l.

Wɛ̈ɛ̈t 1:15

Kë cï ŋɔl acïï duëër tɔ lɔ rïc. Ku kë liu acïï duëërë kueen.

Wɛ̈ɛ̈t 7:13

Ye luɔɔi de Nhialic tak. Eeŋa duëër kë cï Nhialic tɔ ŋɔl bɛ nyɔk ë rïc?

Yith 26:7

Bɛ̈nydït tɔ kueer de kɔc piɛth lipic, kueer ciɛth kek thïn acï kiëët.

Yith 29:18

Të le ëköölë bɛ̈n, miŋ abï awerek piŋ ke kuen ë röl dït, ku cɔɔr ë rɛ̈ɛ̈r ë cuɔlic abï yenyin liep ku dɛɛi.

Yith 29:24

Kɔc piɔl piɔ̈ɔ̈th abïk wëët në yöŋ de käŋ yiic, ku kɔc ee dok ananden abïk piɔ̈ɔ̈th miɛt në luɔi bï ë keek wɛ̈ɛ̈t.”

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Yith 32:3

Abïk kenyïïn liep ku woikï kë kɔɔr ë kɔcken.

Yith 35:5

Nyïïn ke cɔɔr abïk daai, ku miŋ abï piŋ.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 40:4

Thiäŋkï wɛ̈k yiic ëbɛ̈n, kiëëtkï kur nïïm ëbɛ̈n, kur kor abïk aa riaaŋ, ku piny de ŋɔny abïï tɔ lip.

Yith 41:17

“Të le kɔckï pïïu lɔ kɔɔr, të cïï kek röt ril wei në rou, ke Yɛn Bɛ̈nydït, Yɛn bï lɔ̈ŋden piŋ, Yɛn Nhialic de Yithriɛl, Yɛn cïï kɔckï bï kɔn päl wei.

Yith 41:3

Ee cath ke kuɛny cök, ke cï rɔt guiir apiɛth, ee rɔt baan ke cïï piny ee jak në ye cök!

Yith 45:2

“Yɛn në guöpdï, Yɛn bï kueerdu guiir, ku rai kur nïïm piny ayï kur kor. Yɛn bï kɛ̈l cï looi thook në maläŋ dhoŋ, ku dhuɔŋ gɛ̈ɛ̈rgɛ̈ɛ̈rkɛn ke wëëth.

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Yith 48:17

Nhialic Ɣeric de Yithriɛl, Bɛ̈nydït ee yen kony week acï lueel: “Yɛn ee Bɛ̈nydït Nhialicdun, raan kɔɔr bïï we wɛ̈ɛ̈t në biäk de piathdun, ku nyuth week kueer duëër wek lɔ thïn.

Yith 52:12

Në ye aköölkë wek cïï bï jäl ë ruäny ruäny, wek cïï bï kɔc kɔɔr bäk röt kual. Bɛ̈nydït Nhialicdun abï week wat ku gël week në biäk kedhie.

Yith 54:13

“Yɛn guöpdï Yɛn bï kɔcku wɛ̈ɛ̈t, ku gäm keek kuɛth ku mät.

Yith 58:10

na lak këcam gäm raan nɛ̈k cɔk ku takï raan cïn käŋ kueth, ke mɔ̈ɔ̈th tɔ̈u në welɔ̈m abï rɔt puk ke ye ɣɛɛr de akɔ̈l.

Yith 62:12

Wek bï aa cɔɔl an, “Kɔc ɣer yiic ke Nhialic,” Kɔc cïï Bɛ̈nydït ke luök. Nyan de Dhiɔn abï aa të nhiɛɛr ë Nhialic,” “Pänydïït kën ë Nhialic pɔ̈l.”

Edhekiɛl 14:23

Ëtɛ̈ɛ̈n abä ŋic nɔn de yen yic piɛth tɔ yɛn loi ee kënë.” Bɛ̈nydït Awärjäŋ yen aa jam.

Ɣodh 2:14

Ku ënɔɔnë, Yɛn lɔ kɔc ke Yithriɛl bɛ̈ɛ̈i piɔ̈ɔ̈th. Abä keek lɔ luk në jɔ̈ɔ̈ric. Ku abä keek lɔ jääm apiɛth ëtɛ̈ɛ̈n.

Ɣodh 2:6

“Ku ënɔɔnë, kueerde abä gël në rɔk, ku yiëk kal bï ye gël nɔm.

Amoth 5:8

Nhialic yen aa cak kuɛl kedhie, kuɛl lɔyok, ku ciëër ë run ë piny. Ee wakɔ̈u puk tɔ ye aköl, ku puk aköl ke ye wakɔ̈u. Ee pïïu ke wɛ̈ɛ̈r cɔɔl, ku piɛɛk keek biic në tiɔp nɔm. Rinke acɔl ke Bɛ̈nydït.

Luk 3:5

Wak ëbɛ̈n abï juök, ku kuurdït ëbɛ̈n ayï kuurthii abï ke rai piny, ɣään ŋɔl abï ke rïc,

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 3:4

Abïk week nyuöth kueer, wek kën kɔn bɛ̈n eenë. Ku duökï ee ɣet në athänduŋ de mät lɔ̈ɔ̈m tëthiɔ̈k. Yak röt tɔ mec në yen, në kë cït agum (1,000) de akem, në yecök ciëën.”

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.