Yith 42:13 - JAM DE NHIALIC 2011

¹³ Bɛ̈nydït ee lɔ biic ke lɔ piɔ̈t cït rem ë tɔŋ, acï rɔt guiir ke de piɔ̈u tɔŋ. Ee dhiën ë tɔŋ gam ku looi awuɔɔu de tɔŋ, ee riɛlde nyuöth kɔc ke aterde.

Yith 42:13 ပူးပေါင်းရင်းမြစ်များ

Diɛt 118:16

Riɛlde acï wook gäm tiëm, riɛldɛn dït në tɔŋic!”

Diɛt 78:65

Na wën ke Bɛ̈nydït ë jɔt rɔt cït man ë kë nin, aa cït mony ril cï mɔ̈u tɔ mitpiɔ̈u.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 31:4

Go ë Bɛ̈nydït lɛ̈k ɛn an, “Të cuetë köör thɔ̈k, ku nɔn yen adur ë köör, acï awuɔɔu rël ë tïït ee bɛ̈ɛ̈r, ee lɔ ke cäm ë cämde. Yen acït luɔi bï Bɛ̈nydït de rɛm kuur de Dhiɔn bɛ̈n gël. Acïï bïï riääc abï kat.

Yith 37:32

Abï dɛ kɔc ke Jeruthalem ku kuur de Dhiɔn bï döŋ apïïr, cït man cïï Bɛ̈nydït de rɛm e lueel an bï rɔt looi.

Yith 63:15

Bɛ̈nydït, woi wook paannhial, tëduön ɣeric rëër yïn thïn ku në dhuëëŋdu yic. Tɔ̈u diɛɛrduön ee yïn diɛɛr në biäkda ë nou? Tɔ̈u riɛldu ë nou? Tɔ̈u nhiëërdu ku kokdepiɔ̈ndu ë nou? Du wo biɔn gup.

Yith 66:14

Të lee yïn kënë tïŋ ke loi rɔt, yïn bï piɔ̈u miɛt, abï yïn tɔ ril ku tɔ yïn piɔl guöp. Ku ëtɛ̈ɛ̈n, abä jɔ ŋic nɔn ee yan Bɛ̈nydït, Yɛn ee kɔc ee ya riëëu kony ku nyuöth agönhdï kɔc ke aterdï.”

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 25:30

“Ku yïn Jeremia, yïn bï këriëëc cä lueel ëbɛ̈n guiir. Yïn bï ee kɔckë dhil yɔ̈ɔ̈k an, ‘Bɛ̈nydï abï wuur tënhial, ku rel tëdɛn ɣeric nhial ya. Abï wuur ë kɔcke gup, abï kïïu cï raan dum enapic. Abï raan ëbɛ̈n piŋ ë piny nɔm,

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Jowɛl 3:16

Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Amoth 1:2

Ago Amoth lueel an, “Bɛ̈nydït abï jam në kuur ë Dhiɔn nɔm, ku reel në Jeruthalem. Ka ɣään ke nyuäth ke kɔc ee thök tiit abïk riɛl kedhie, ayï kuur ë Karmel abï nɔm biɔɔr aya.

Naɣum 1:2

Bɛ̈nydït ee Nhialic amantil, ee kɔc reec En luöi këtuc. Bɛ̈nydït ee gɔ̈th arëët, ku guur këde nɔm. Ee këde guöör në kɔc ke aterde, ku muk keek ater.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.