Yith 42:10 - JAM DE NHIALIC 2011

¹⁰ Kɛ̈të Bɛ̈nydït din piac cak, kɛ̈tkï lɛcde, wek pinynɔm ëbɛ̈n! Lɛckï wek kɔc ee cath në wïïr, lɛckï wek ka cï cak në abäpdit yic! Kɛ̈tkï wek piiny mec, ku kɔc ëbɛ̈n rɛ̈ɛ̈r ëtɛ̈ɛ̈n!

Yith 42:10 ပူးပေါင်းရင်းမြစ်များ

1 Lëk 16:32

Takï wɛ̈ɛ̈r wuur, ku këriëëc cï cak nu ë yï yïc ëbɛ̈n, Miɛtkï piɔ̈ɔ̈th, wek duum, ku këriëëc nu ë yï yic.

Diɛt 150:6

Lɛckï Bɛ̈nydït, wek ka cï cak ëbɛ̈n! Lɛckï Bɛ̈nydït!

Diɛt 33:3

Kɛ̈tkï din ë piacë cak, guötkï thom në tëët, ku miɛtëpiɔ̈u!

Diɛt 40:3

Ku yïk a thok din ë piɛcë cak, din lɛɛc ɛn Nhialicda. Kɔc juëc abïk ee kënë tïŋ ku lamkï Nhialic. Ku ëtɛ̈ɛ̈n abïk Bɛ̈nydït jɔ ŋɔ̈ɔ̈th.

Diɛt 65:5

Yïn ee këda bɛ̈ɛ̈r në miɔ̈c Yïn wo tɔ tiëm, ku Yïn ë kadït ke gäi looi, bï Yïn ke wo kony. Kɔc nu ë piny thar ku ka nu wɛ̈ɛ̈r lɔŋtui aŋäthkï Yïn.

Diɛt 72:10

Meliik ke Tarcic kekë meliik ke tuöör, abïk miɔɔc në miɔ̈c, meliik ke Ceba kekë Theba, abïk yen yiɛ̈n miɔ̈c.

Diɛt 96:11

Jɔ piɔ̈u miɛt yïn paannhial, ku piny! Jɔ röl wɛ̈ɛ̈r, we këriëëc nu ë yïyic ëbɛ̈n,

Diɛt 97:1

Pinynɔm jɔ piɔ̈u miɛt! Bɛ̈nydït ee Yen ee Melik! Jakï piɔ̈ɔ̈th miɛt we tuöör nu wïïr!

Bɛ̈n 15:1

Na wën, ke Mothe kekë kɔc ke Yithriɛl ë ke piɔny Bɛ̈nydït në ee dinë an, “Yɛn piɔny Bɛ̈nydït në yöŋ cï Yen dhuëëŋ yök, në tiëm dïït cï Yen tiam. Ë jöŋgöör cuat wïïr, në kɔc cath në kekɔ̈ɔ̈th.

Bɛ̈n 20:11

Në luɔi ë cak Ɛn piny nɔm, ayï nhial, ayï wɛ̈ɛ̈r në këriëëc tɔ̈u në keyiic ëbɛ̈n në akööl kadhetem, ku ja bɛ̈n lɔ̈ŋ në kööl ye akööl dhorou. Yen aa thiɛɛi Ɛn kööl ë Thabath ku ta ɣeric.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 12:5

Pianykï Bɛ̈nydït në biäk de kadït cï looi. Tɔ thok piŋ ë piny nɔm ëbɛ̈n.

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 48:20

Lɔ biic në Babilon yic, ke yï lääu nɔm! Luɛɛlë thok në miɛt ë piɔ̈u, tɔ ŋic ë piny nɔm ëbɛ̈n: “Bɛ̈nydït acï awundɛn Yithriɛl kony!”

Yith 49:13

Kɛ̈të paannhial! Loi awuɔɔu de miɛtëpiɔ̈u, piny! Takï kur wuou ke ke ket diɛt! Bɛ̈nydït abï kɔcke duut piɔ̈ɔ̈th, abï piɔ̈u kok kekë kɔckɛn cï nuan.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 51:5

Yɛn bï dap bɛ̈n bä ke kony, kööl de tiëmdï acï thiɔ̈k. Yɛn guöpdï Yɛn bï juöör cieŋ. Piiny mec atitkï yɛn bä bɛ̈n, atitkï yɛn në aŋäth bän keek bɛ̈n luök.

Yith 60:6

Thɔ̈rɔ̈ɔ̈l juëc abïk bɛ̈n, piny de Midian ku Eepa. Ku abïk bɛ̈n në Ceba abïk bɛ̈n, ke ke muk adhɛ̈p ke ke bïï adhääp ku wal ŋïr. Kɔc abïk Bɛ̈nydït leec në biäk de kë cïï looi!

Yith 60:9

Kek abëël wïïr ke Tarcic bɔ̈ piny mec abïïkï kɔc ke Nhialic baai. Abïïkï atek ku adhɛ̈p në keek ëtök bïï kek Bɛ̈nydït bɛ̈n dhuëëŋ guöp. Nhialic Ɣeric de Yithriɛl, Raan cï juöör ëbɛ̈n tɔ dhuëŋ kɔcke gup.

Yith 62:11

Nɔn lɛ̈k ë Bɛ̈nydït piny nɔm ëbɛ̈n an, “lɛ̈kë kɔc ke Jeruthalem an Bɛ̈nydït abï we bɛ̈n kony, abïï kɔc cï luök bɛ̈ɛ̈i në yen ëtök.”

Yith 65:14

Abïk diɛt ke miɛt ë piɔ̈u ket ku we bï dhiau në jiɛth ë piɔ̈u.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Nyuuth 14:3

Ku kitkï din cït kë ë piɛc cak ë thöönydït nɔm, ku läi kaŋuan nïïm, ku röördït nïïm: ku acïn raan duëër dinë yök, ee agum kabɔt ku thiërŋuan ku ŋuan de kɔc kapäc, kɔc cï wɛ̈ɛ̈r bei ë piny nɔm.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,