Yith 42:1 - JAM DE NHIALIC 2011

¹ Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 42:1 ပူးပေါင်းရင်းမြစ်များ

Cäk 49:10

Ku thieny ë bääny acïï bï jäl tëde Juda. Mïthke abïk aa bäny ë caaŋden. Abï juöör en aa kuöt athölbɔ̈, ku abïk kenïïm aa guöt piny në yenɔm në riëëu.

Diɛt 72:4

Melik ë luel löŋ de kɔc kuanynyïïn në yic, tɔ kony kɔc kuanynyïïn, ku tɔ tiam kɔc ee keek yɔŋ.

Diɛt 89:4

‘Kuatdu abïk aa bäny ëceŋ, abä ke tɔ ye meliik në yïcök aɣet athɛɛr.’”

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 32:16

Ago yic jɔ aa looi ë jɔ̈ɔ̈ric, ku tɔ̈u piathëpiɔ̈u në duum ee luɔk yiic.

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 41:9

Wek kɔc cä ke bɛ̈ɛ̈i ë piny thar, wek aa caal ke në aguuk mec ke piny thar, ku lɛ̈k week, an, wek ee awuutkï. Wek kɛ̈n keek rɛɛc, wek cä ke lɔc.

Yith 42:2

Acïï bï wou ku nɔn jɔt e röl nhial nɔn jiëëm kɔc në röldït në kuɛɛr yiic.

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Yith 63:1

“Eeŋa ë kë bɔ̈yë në pänydïït de Bothera nu ë Edom? Ku eeŋa kë ceŋ lupɔ amujuŋë, raan ril laath ë riɛl.” Ee Bɛ̈nydït, raan dïït ril ee kɔc kony, abɔ̈ bïï tiëmde bɛ̈n lɛ̈k kɔc.

Ɣagai 2:23

Ku në ee köölë yïn bä jɔt yïn awundiën Dherubabel wën de Caltiɛl, ku tääu yïn në bääny yic në Rinkï. Ee yïn ee raan cä lɔc. Ee Bɛ̈nydït de rɛm Yen aa jam.

Dhek 3:8

Piŋ apiɛth Jocua, yïn bɛ̈nydïït ë kake Nhialic. Ku tɔ piŋ ë kɔc lui në yïn aya, kɔc cï ke tɔ nyooth ka bï bɛ̈n. Yɛn bï lïmdï bɛ̈ɛ̈i, lïm cɔl Këër.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Math 17:5

Na wën, të ŋoot en ke jam, ke luän ɣer ëwic kum ke piny, ku jɔ röl bɛ̈n ë luätic röl luel en an, “Wëndiën nhiaar kï, wëndiën mit ë yapiɔ̈u arëët, yak kake piŋ!”

Luk 3:22

go Wëidït ɣer lööny ë yeguöp, ke cït guöp guuk, ku bɔ̈ röl paannhial, röl lueel en an, “Yïn ee Wëndiën nhiaar, yɛn mit piɔ̈u wokë yïn arëët.”

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Luk 4:19

Ku guiëër kɔc bɛ̈n de ruöön piɛth ë Bɛ̈nydït kööl bï En kɔc yɔŋ kony wëi.”

Luk 9:35

Ku bɔ̈ röl bei ë luätic an, “Wëndiën nhiaar kï: yak kake piŋ!”

Jɔn 16:32

Wɔikï, kööl abɔ̈, yeka bɔ̈yë ënɔɔnë, kööl bï we thiäi wei, lɔ ŋɛk tëde ku lɔ ŋɛk tëde, ku nyääŋkï ya piny yatök: ku yɛn cïï tɔ̈u a tök, luɔi nu Wäär kekë ɛn.

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Jɔn 6:27

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 11:18

Na wën, aa cïk kake piŋ, ke ke jɔ lɔ lik, ku leckï Nhialic an, “Ee yic, Nhialic acï Juöör dhil gäm puŋdepiɔ̈u aya ke ke bï pïïr!”

Luɔi 28:28

Yen ŋiɛc wek cöökë, an, “Jam ë Nhialic ë biäk de kunydewëi acï tɔ yïnë Juöör, ku abïk dhil piŋ!”

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Pilipoi 2:7

Ku acï dhuëëŋde pɔ̈l, ku tɔ rɔt cït lïm, ago dhiëëth ke cït guöp raan.

Kolothai 1:13

Acï wo luäk bei në riɛl ë cuɔlëpiny, ku tɛ̈ɛ̈u wook ë ciɛɛŋ de Wëndɛn nhiɛɛric,

1 Pet 2:4

Ee kuur pïïr, kuur cïï kɔc rɛɛc ë liŋliŋ ë yic, ku ye kuur ë lɔc Nhialic, aye kuur de naamde, ku na bäkï të nu yen.

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”