Yith 41:8 - JAM DE NHIALIC 2011

⁸ “Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 41:8 ပူးပေါင်းရင်းမြစ်များ

1 Lëk 16:13

Yak kake gäi cïï Nhialic ke looi tak, ku guëër de löŋ cï looi.

2 Lëk 20:7

Yïn ee Nhialinyda. Wään bïï kɔckuön ke Yithriɛl ee pinyë, yïn cï kɔc wään ceŋ ee pinyë bɛ̈n cuɔp wei, ku gämë piny kuat de Abraɣam, raan määth wek, bï aa këden aɣet athɛɛr.

Diɛt 105:6

wek kuat de Abraɣam, awunde, wɛ̈ɛ̈t ke Jakop, raan cï lɔc.

Diɛt 135:4

Bɛ̈nydït acï dhiën de Jakop lɔ̈c rɔt, ku lɔc kɔc ke Yithriɛl ke ke ye kɔcke.

Diɛt 136:21

Go piinyken gäm kɔcke bïk lak, nhiëërdɛn agɔk atɔ̈u athɛɛr,

Diɛt 136:22

acï ke gäm Yithriɛl awuutke bïke lak, nhiëërdɛn agɔk atɔ̈u athɛɛr.

Diɛt 33:12

Thieithieei në jur ye Nhialicde Bɛ̈nydït, thieithieei në kɔc cï ke lɔc bïk aa kɔcke.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 29:22

Ku ënɔɔnë Bɛ̈nydït Nhialic de Yithriɛl ɣɔn kony Abraɣam në nuanic, aye lueel an, “Kɔckï wek cïï gup bï bɛ yäär anandun, ku wek cïï wenïïm bï bɛ guöt piny në ayäär.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 42:19

De raan cï cɔɔr awär awundï, ku nɔn ee raan cï miŋ wär tuny cä tooc? Eeŋa cï cɔɔr cït raandiën cï rɔ gam; ku nɔn cï cɔɔr cï awun de Bɛ̈nydït?

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 43:5

Du riɔ̈c, Yɛn täu wo yïn! “Gɔl të lɔ aköl amiäk, ku të lɔ aköl athɛ̈i, Yɛn bï kɔcku dɔ̈k nïïm baai.

Yith 44:21

Aye Bɛ̈nydït lueel an, “Yïn Yithriɛl, tak ee kënë, tak nɔn ee yïn awundï. Yïn aa cak ke yï bï aa awundï, ku Yɛn cïï nɔm bï määr në yïn.

Yith 45:4

Yïn aa kuany ke yï bï awundï Yithriɛl kony, kɔckiën cä ke lɔc. Yïn cä gäm dhuëëŋdït, cakaa nɔn kuc yïn ɛn.

Yith 48:12

Aye Bɛ̈nydït lueel an, “Piɛŋkï këdï wek kɔc ke Yithriɛl, we kɔc cä ke cɔɔl! Yɛn Nhialic, Yɛn ee tueŋ, ku ya ciëën, Nhialic tök!

Yith 49:3

Acï ya yɔ̈ɔ̈k an, “Yithriɛl, yïn ee awundï, në biäkdu kɔc abïk yɛn aa dhuëëŋ guöp.”

Yith 51:2

Takkï kuɛɛrëdun, Abraɣam, kekë Thara të wään bïï ë kuatdun. Wään caal ɛn Abraɣam, aa cïn nɔm meth, ku acä thieei ku gäm mïth, yɛn cï kuatde tɔ juëc.

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Jeremia 33:24

“Cï piŋ luöi ye kɔc ye lueel an, cä Yithriɛl kekë Juda rɛɛc, kek ɣööt kaarou cä ke lɔc? Ku ayek kɔckï woi gup në abiaan, ku acïkï keek ee bɛ woi ke ke ye jur.

Lebai 25:42

Duökï keek ceŋ arac. Yak riɔ̈ɔ̈c në Nhialicdun.

Malakai 1:2

Aye Bɛ̈nydït lueel an, “Wek nhiaar. Ku wek ee bɛ lop an, ‘Nhiaar wook adï?’ Ethau ë cie mänhë Jakop? Aguɔ Jakop nhiaar ku lac,

Math 3:9

ku duökï ee lueel ë wepiɔ̈ɔ̈th an, wok de wäärda Abraɣam, Nhialic alëu bïï mïth ke Abraɣam cak në kɔikë.

Galatai 3:19

Ku löŋ, eeŋödɛn bï looi? Acï tääu thïn në biäk de wäc cï kɔc käŋ wööc, aɣet të bï käu bɛ̈n, käu cï kɔn lueel an, bï gäm en, ku acï ŋiëc guik apiɛth ë tuucnhial, ku jɔ tääu ë raan ë kɔc luk cin.

Nyöŋ 10:15

Ku Bɛ̈nydït anhiaar kuarkun aläldïïtë, ago week lɔc ku cï kɔc kɔ̈k lɔc, ku wek ŋoot ke we ye kɔckɛn cï lɔc.

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Jakop 2:23

Ago këcïgɔ̈ɔ̈r aa yic kë luel en an, “Abraɣam ë Nhialic gam, ago gämde tɔ ye piath ë yenpiɔ̈u, ago cɔl mɛ̈thë ë Nhialic.”