Yith 41:26 - JAM DE NHIALIC 2011

²⁶ Eeŋa cï ye caar në week yiic nɔn duëër ee kënë rɔt looi, agoku jɔ ŋic nɔn luɛɛl wek yic? Acïn raan töŋ në weyiic cï wɛ̈t lueel në biäkde, acïn raan cï kë luɛlkï piŋ!

Yith 41:26 ပူးပေါင်းရင်းမြစ်များ

Yith 41:22

Bäkkï ee tënë ku caarkï kë bï tuöl, agoku ŋic nɔn bïï yen rɔt lɔ looi. Wëërkï kɔc ke luk ka cï röt kɔn looi ɣɔn thɛɛr, ku lɛ̈kkï wook eeŋö luelkï:

Yith 41:4

Eeŋa ë loi ee kë cït tuölë? Eeŋa ë luel kueer ye kake ciɛɛŋ thɛɛr muk? Ee Yɛn Bɛ̈nydït, Yɛn ë tɔ̈u ëtɛ̈ɛ̈n të ɣɔn gɔlë käŋ ku Yɛn Bɛ̈nydït, Yɛn bï tɔ̈u ëtɛ̈ɛ̈n në thök de käŋ.

Yith 43:9

Cöölë juöör bïk bɛ̈n në luk nɔm. Ee yanhou në yiëthken yiic duëër ka bï tuöl caar? Eeŋa në keyiic cï ka loi röt ee nɔɔnë kɔn lueel? Takkï ee yiëthkë bïï cätɔɔken bïk bɛ̈n nyooth nɔn de kek yic, bïk wël luelkï bɛ̈n tɔ ee yith.

Yith 44:7

Duëër dɛk raan däŋ lëu kë cä looi? Eeŋa duëër këriëëc bï tuöl ëbɛ̈n caar gɔl të ɣɔn gɔlë käŋ aɣet cï ee kööl?

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Yith 46:9

Takkï wenïïm në kë cï rɔt looi ɣɔn thɛɛr, ŋiɛckï ee Yɛn A tök Yɛn ee Nhialic ku acïn raan däŋ cït Yɛn.