Yith 41:24 - JAM DE NHIALIC 2011

²⁴ Week, ku ka yak looi ëbɛ̈n ayek baŋ, kɔc ee we lam ee gök de kërac yen cïk looi!

Yith 41:24 ပူးပေါင်းရင်းမြစ်များ

Diɛt 115:8

Në raan ëbɛ̈n raan ee yiëth looi ku kɔc ee keek ŋɔ̈ɔ̈th abïk ciët ee yiëthkɛn cïn naamden.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Kɛ̈ŋ 3:32

në luɔi mɛɛn ë Bɛ̈nydït kɔc ee karɛc looi, ku ade aŋäth kekë kɔc piɛthpiɔ̈ɔ̈th.

Yith 37:19

ku nyop yiëthken, ka ɣɔn cie yiëth ë yic yic, ayek kak ë guaŋ ë tiim ku kur, luɔi de kɔc cin tei.

Yith 41:29

Kek ee yiëthkë kedhie acïnkï naamden, acïn kë duëërkï looi taitai, kek ee yiëthkë akɔ̈ckï ku acïnkï riɛl.”

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Jeremia 10:14

Ku të cï ee kakë tïŋ, kɔc ayek aa dhän ku cïnkï nïïm, kɔc ee yiëth looi ayek gup yäär, në biäk ye yiëth yek looi lueth ku cïnkï yiic wëi.

Jeremia 10:15

Acïnkï naamden ku aduëërë keek biɔɔn, abïï keek riɔ̈ɔ̈k të le Bɛ̈nydït bɛ̈n yök ke keek.

Jeremia 10:5

Kek ee yiëthkë acïtkï gɛk kɔt ë dom de abuth yic, acïkï ee jam, aye keek ɣääc, në biäk cïï kek ee cath. Duökï riɔ̈c ë keek, acïn kërɛɛc duëërkï luöi week, ku cïn këpiɛth luikï week.”

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Nyöŋ 7:26

Duökï yanh tök në ee yiëthkë yiic leer ë ɣöötkun yiic, na lak looi wäkya, ke aciɛɛn cït aciɛɛn tɔ̈u ë ke kɔ̈ɔ̈th abï tääu ë we kɔ̈ɔ̈th. Wek bï ee yiëthkë dhil maan ku biankï keek gup, në biäk tɔ̈u aciɛɛn ë Bɛ̈nydït ë ke gup.

Nyuuth 17:5

ku ade rin cï gɔ̈ɔ̈r ë yenɔm tueŋ an, “KËCÏMOONY KA, Babilon DÏÏTË KÏ, MAN AKƆƆRRÖÖR KU YE MAN KANHIƐNY KE PINY NƆM.”