Yith 41:15 - JAM DE NHIALIC 2011

¹⁵ We bä tɔ cït tim de käm de rap, tiim piɛth cï piac looi ku amoth. Wek bï kur kɔ̈ɔ̈m ku riäkkï keek, ku kur kor abïk kuɛɛm cït abuui.

Yith 41:15 ပူးပေါင်းရင်းမြစ်များ

Jop 41:30

Kuaac ee tɔ̈u në ye yɔu tueŋ amothkï cït abɔ̈c ke töny cï kuɛm, ayek piny tuök nhial të ɣöc en ë tiɔpic.

Diɛt 18:42

Yɛn ee kɔc de wok ater mot, ka cïk ciët abuui ye yom gap nhial. Yɛn ee cath në kekɔ̈ɔ̈th cït man ye raan cath ë tiɔp nɔm kueer.

Yith 17:13

Juöör abïkï cït man ë kuëër riŋ arëët, ku acï Nhialic ke rɛ̈l yiic, gokï röt miɛɛt ciëën, acï ke kuaath cï tɔɔr nu ë kur yiic, ku cïtkï wal riŋ ë kɔɔric.

Yith 21:10

Kɔckiën ke Yithriɛl we cï kɔ̈ɔ̈m cït man ë agamɔ, ënɔɔnë wek cä guɔ lɛ̈k thoŋ piɛth cä piŋ tëde Bɛ̈nydït de rɛm, Nhialic de Yithriɛl.

Yith 28:27

Acïï thieny ajok ee nööm kɔ̈ɔ̈m en mïth ke tiim ke dil ku nɔn ee kumin, ee thieny piɔl rɔ̈ŋ yen abï nööm luui yen.

Yith 29:5

Jeruthalem, juöör alɛi cï yïn mak ëbɛ̈n, abïï ke kuɔɔth wei cït man ë abuui, ku remdɛn ë tɔŋ cï riɔ̈ɔ̈c abïk wɛɛr cï wal ë gɔp yom. Ë thiäu ke kuckï

Yith 42:15

Yɛn bï kur kor ku kur dït riɔ̈ɔ̈k ku ta wal yuɔm kekë tiim. Yɛn bï wɛ̈k ke kiɛɛr tɔ ye jɔ̈ɔ̈r, ku ta awuul ke pïïu dëu.

Yith 64:1

Eeŋö cïï yïn paannhial retic ku bä piny? Kur aduëërkï yïn tïŋ ku lɛthë keek në riɔ̈ɔ̈c.

Jeremia 51:20

Aye Bɛ̈nydït lueel an, “Babilonia, yïn ee dëidï, yïn ee wënhdiën ë tɔŋ. Yïn cä tɔ ee këdiën yan juöör, ku ciɛɛŋ dum yiic,

Jeremia 51:33

Abïï kɔc ke ater keek dhuɔŋ piny ënɔɔnë, ku dum keek yiic cït man ye anyuɔl kɔ̈ɔ̈m ë jöŋic. Acä lueel Yɛn Bɛ̈nydït de rɛm, Nhialic de Yithriɛl.”

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Edhekiɛl 33:28

Yɛn bï piny tɔ cïnic raan ceŋ en, ku riɛl wään ye kek röt lɛɛcë abï thök. Kur ke piny de Yithriɛl abïk aa roor, ka cïn raan bï bɛ aa tëëk ëtɛ̈ɛ̈n ë keyiic.

Danyel 2:35

Ku ëtɛ̈ɛ̈n, wëëth, ku tiɔp, ku maläŋ, ku ateek, ku adhääp acïk lɔ mot ka cïk ciët tɔɔr nu tën ye rap kɔ̈ɔ̈m mɔ̈i. Go yom keek kuɔɔth wei kedhie, abï ciën të tiëc. Ku kuur acï bɛ̈n dït abï ya kuurdït cï piny paat nɔm.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Ɣabakuk 3:12

Yïn ee piny käc aläl në agɔ̈th të ciɛth Yïn ë yenɔm, ku dum juöör yiic të cïï Yïn piɔ̈u diu.

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Jocua 17:18

Nämkï piny ë kuur, na cäk aa nɔn yen roorë, abäk yɛp piny ëbɛ̈n, ku takï ee pinydun. Ku na ee biäk de kɔc ke Kanaan, abäk keek tiaam, ku cuɔpkï keek, na cakaa nɔn riil kek, ku dekï nïïm abëël riil ke tɔŋ, abëël ke wëëth.”

Bäny 6:16

Ago Bɛ̈nydït bɛ̈ɛ̈r an, “Aduëërë looi në biäk bän yïn luök, ku yïn bï kɔc ke Midian nɔ̈k ëthiäu cït man ë kë näk raantök.”