Yith 41:14 - JAM DE NHIALIC 2011

¹⁴ Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 41:14 ပူးပေါင်းရင်းမြစ်များ

Jop 19:25

Aŋiɛc ade Raan bï yɛn wɛ̈ɛ̈r bei, aŋiɛc nɔn pïïr En! Ku miäk le käŋ thäär adhöc, abï kɔ̈ɔ̈c në piny nɔm ëtënë ku kony ɛn,

Jop 25:6

ku na mɛnh ë raan cie kɔ̈m tei?!

Diɛt 19:14

Gam jamdï kekë täŋdï, Bɛ̈nydït, gëlgëldï, ku konydï!

Diɛt 22:6

Na yɛn, yɛn cïï be aa raan, yɛn ee kɔ̈m, ye raan ëbɛ̈n biɔɔn guöp, ku dhäl ɛn!

Diɛt 46:5

Nhialic anu ë pänydïïtë yic, ku acïï bï riɔ̈ɔ̈k taitai, aye Nhialic kony miäk adurduur.

Diɛt 78:35

Ayek tak nɔn ye Nhialic Raan ee keek gël, ku Nhialic aa bɔ̈ bïï keek bɛ̈n kony.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 37:4

Melik de Athiriya acï Rabcaka bɛ̈ny de remdɛn ë tɔŋ tuööc bïï Nhialic pïïr läät. Bɛ̈nydït Nhialicda abï lɛ̈ɛ̈t lɛ̈ɛ̈t ë Yen piŋ, ku lui këtuc kɔc ë luel keek. Bä läŋ Nhialic në biäk de kɔckuɔn cï döŋ apïr.”

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 43:14

Nhialic Ɣeric de Yithriɛl, Bɛ̈nydït ee we luök, aye lueel an, “Yɛn bï rem de tɔŋ bï lɔ thɔ̈ɔ̈r ke Babilon tooc, aguɔ we luök, Yɛn bï athïïn ke pänydït dhuɔŋ piny, ku kiɛɛu de kɔcke abï rɔt puk ke ye dhiëëu.

Yith 43:3

Në biäk ee Yɛn Bɛ̈nydït Nhialicdu, Nhialic Ɣeric de Yithriɛl ɣɔn kony yïn. Yɛn bï Rip pɔ̈l ke bï yï tɔ lääu nɔm, Yɛn bï Ethiopia pɔ̈l kekë Theba.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Yith 44:24

“Yɛn ee Bɛ̈nydït, konydun, Ee Yɛn ee raan ë cak week. Ee Yɛn Bɛ̈nydït, Aciëŋ de këriëëc ëbɛ̈n. Ee Yɛn a tök Yɛn aa thieth paannhial, wään luɔi ɛn piny, acïn raan cï ya kony.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 47:4

Nhialic Ɣeric de Yithriɛl abï wo gäm nɔm lääu, rin ke ayek Bɛ̈nydït de rɛm.

Yith 48:17

Nhialic Ɣeric de Yithriɛl, Bɛ̈nydït ee yen kony week acï lueel: “Yɛn ee Bɛ̈nydït Nhialicdun, raan kɔɔr bïï we wɛ̈ɛ̈t në biäk de piathdun, ku nyuth week kueer duëër wek lɔ thïn.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Yith 54:8

Yɛn cï rɔt rat wei në agɔ̈th në kaam thiin koor, ku yïn bä nyuöth nhiëërdï aɣet athɛɛr.” Yen kë cïï Bɛ̈nydït lueel ka raan ee yïn kony.

Yith 59:20

Aye Bɛ̈nydït lɛ̈k kɔcke an, “Yɛn bï bɛ̈n Jeruthalem bä we bɛ̈n luök, ku kuɔny week wedhie, wek kɔc cï luɔiduön de awɛ̈ɛ̈c pɔ̈l.

Yith 60:16

Juöör ku meliik abïk diɛɛr në yïn cït wën ee man meth mɛnhde ŋiëc muk. Abä ŋic nɔn yen ɛn Bɛ̈nydït, Yɛn ë kony yïn, nɔn cï Awärjäŋ Nhialic de Yithriɛl yïn gäm nɔm lääu.

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Jeremia 46:27

“Kɔckï duökï riɔ̈c, kɔc ke Yithriɛl duökï piɔ̈ɔ̈th pɛ̈u wei. Wek bä kony në ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï rëër ë läŋ ku acïn raan bï week bɛ tɔ riɔ̈c.

Jeremia 50:34

Ku raan bï keek luök aril, rinke acɔl keek Bɛ̈nydït de rɛm. Yen guöpde abï këden nööm ku abï mät bɛ̈ɛ̈i ë piny nɔm, ku kɔc ke Babilonia abïk nuan.”

Dhiëëu 3:57

Yïn cï lɔ̈ŋdï bɛ̈n bɛ̈ɛ̈r, ku yɔ̈ɔ̈kë yɛn nɔn cän bï riɔ̈ɔ̈c.

Danyel 10:12

Ago jɔ lueel an, “Danyel, du riɔ̈c. Nhialic acï lɔ̈ŋdu piŋ, gɔl ë kööl tueŋ bï yïn rɔt kuɔɔr piny, në biäk bï yïn yöŋ de käŋ yiic yök. Yɛn aa bɔ̈ bä lɔ̈ŋdu bɛ̈n bɛ̈ɛ̈r.

Ɣodh 11:9

Agönhdï acä päl piny ë määth, Yɛn cïï Eparaim bï bɛ riɔ̈ɔ̈k taitai. Në biäk yan Nhialic, Yɛn cie raan. Yɛn ee Töŋ Ɣeric në weyiic. Yɛn cï bï bɛ̈n tëde week, ke Ya göth.

Math 7:14

Ku kal akoor thok, ku kueer ajonyic, kueer lɔ të nu pïïr, ku kɔc ë ye yök alikï.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Nyöŋ 7:7

“Bɛ̈nydït aa cï we lɔc në baŋ cä wek kɔc kɔ̈k wöör në juëc, wek aaye jur koor arëët ë piny nɔm,

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Jocua 17:18

Nämkï piny ë kuur, na cäk aa nɔn yen roorë, abäk yɛp piny ëbɛ̈n, ku takï ee pinydun. Ku na ee biäk de kɔc ke Kanaan, abäk keek tiaam, ku cuɔpkï keek, na cakaa nɔn riil kek, ku dekï nïïm abëël riil ke tɔŋ, abëël ke wëëth.”

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,