12 ku abïk liu në pinynɔm.
Thëën ayek riɔ̈ɔ̈c tɔ loi rɔt, ku miäk rial acïk jäl. Kënë ee yen ee täu ë raan ëbɛ̈n, raan yak pinyda.
Juöör cï kenïïm mat ke ke mɛk kuur ë Dhiɔn, abïk ciët raan nɛ̈k cɔk nyuöth ke cäm ku pɛ̈ɛ̈c ke nɛ̈k cɔk, ku cït raan nɛ̈k reu ku nyuöth ke dëk ku pɛ̈ɛ̈c ke cï röl ril wei.
Abï ciën rin ke ciɛɛŋ ëtɛ̈ɛ̈n, ku wɛ̈ɛ̈t meliikke abïk ciëm naamden.
Go ë Bɛ̈nydït bɛ̈ɛ̈r an, “Kë bï rɔt looi ka ë dhöc. Kë cï raan de tɔŋ dɔm abïï jɔt, ku kë cï raan rac peec abïï dɔm. Yɛn bï thɔ̈ɔ̈r wo raan thäär ke week, ku yɛn bï mïthkun kony.
Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.
