Yith 41:11 - JAM DE NHIALIC 2011

¹¹ “Kɔc göth në week, abïk ayär de tiëm ŋic. Kɔc ee piɔ̈t në week abïk thou

Yith 41:11 ပူးပေါင်းရင်းမြစ်များ

Bɛ̈n 11:8

Ku jɔ Mothe jam thöl thok an, “Bänykun kedhie, abïk kenïïm bɛ̈n guöt piny në yanɔm, ku läŋkï yɛn an jat kɔckï kedhie ku jäl. Ku ëtɛ̈ɛ̈n, yɛn bï jɔ jäl.” Ku jël Mothe në melik lɔ̈ɔ̈m ke cï piɔ̈u diu arëët.

Bɛ̈n 12:29

Na ɣɔn akɔ̈u ë wɛ̈ɛ̈ric cil, ke Bɛ̈nydït ë näk kɛ̈ɛ̈i ëbɛ̈n piny ë Rip. Gɔl në kɛ̈i ë melik nu ë thööny nɔm, agut cï kɛ̈i ë raan mac aloocic. Ayï kɛ̈i ke läi acï ke bɛ̈n nɔ̈k kedhie.

Bɛ̈n 23:22

Na lak gam thok, ku luɔikï këriëëc thɔ̈n week ëbɛ̈n, Yɛn bï gɔ̈m wokë kɔc de ater në week kedhie.

Yith 17:13

Juöör abïkï cït man ë kuëër riŋ arëët, ku acï Nhialic ke rɛ̈l yiic, gokï röt miɛɛt ciëën, acï ke kuaath cï tɔɔr nu ë kur yiic, ku cïtkï wal riŋ ë kɔɔric.

Yith 29:5

Jeruthalem, juöör alɛi cï yïn mak ëbɛ̈n, abïï ke kuɔɔth wei cït man ë abuui, ku remdɛn ë tɔŋ cï riɔ̈ɔ̈c abïk wɛɛr cï wal ë gɔp yom. Ë thiäu ke kuckï

Yith 29:7

ku ëtɛ̈ɛ̈n rem de tɔŋ de juöör ëbɛ̈n, kɔc mɛk pänydït de yïïŋ ë Nhialic, kakɛn ë tɔŋ ëbɛ̈n, ku kakɛn ë tɔŋ ëbɛ̈n abïk riääk cït man ë nyuöth, ku nyuuth de wakɔ̈u ku mɛ̈ɛ̈r nɔm ë yen.

Yith 29:8

Juöör cï kenïïm mat ke ke mɛk kuur ë Dhiɔn, abïk ciët raan nɛ̈k cɔk nyuöth ke cäm ku pɛ̈ɛ̈c ke nɛ̈k cɔk, ku cït raan nɛ̈k reu ku nyuöth ke dëk ku pɛ̈ɛ̈c ke cï röl ril wei.

Yith 34:12

Abï ciën rin ke ciɛɛŋ ëtɛ̈ɛ̈n, ku wɛ̈ɛ̈t meliikke abïk ciëm naamden.

Yith 40:17

Juöör ke piny nɔm acïnkï naamden taitai tëde yen.

Yith 40:2

Rit kɔc ke Jeruthalem piɔ̈ɔ̈th. lɛ̈kë keek nɔn cïï kek gum arëët të cï bɛ̈ɛ̈r, ku keek ënɔɔnë acï ke päl awɛ̈ɛ̈cken, acä ke luöi këtuc acïn kë cä päl keek në awɛ̈ɛ̈cken yiic kedhie.”

Yith 41:24

Week, ku ka yak looi ëbɛ̈n ayek baŋ, kɔc ee we lam ee gök de kërac yen cïk looi!

Yith 41:29

Kek ee yiëthkë kedhie acïnkï naamden, acïn kë duëërkï looi taitai, kek ee yiëthkë akɔ̈ckï ku acïnkï riɛl.”

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Yith 49:25

Go ë Bɛ̈nydït bɛ̈ɛ̈r an, “Kë bï rɔt looi ka ë dhöc. Kë cï raan de tɔŋ dɔm abïï jɔt, ku kë cï raan rac peec abïï dɔm. Yɛn bï thɔ̈ɔ̈r wo raan thäär ke week, ku yɛn bï mïthkun kony.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Yith 54:15

Na de raan mɛk yïn, cie Yɛn ë looi yen, raan ëbɛ̈n raan ee yïn yiɛ̈n tɔŋ abï löny.

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Jeremia 12:17

Ku jur ëbɛ̈n jur cïï ya bï riëëu, abä cuän thar bei, ku abä riɔ̈ɔ̈k. Acä lueel, Yɛn Bɛ̈nydït.”

Jeremia 2:3

Yïn Yithriɛl yïn ee këdï Yatök, yïn ee kë cï kɔn luɔk ɣeric. Yɛn cï nuan, ku riääk tuöc kɔc ee yïn luöi kërac. Acä lueel, Yɛn Bɛ̈nydït.”

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Dhek 12:3

Në ee köölë, yɛn bï Jeruthalem tɔ thiek cït man ë kuur, ka juöör ke pinynɔm kedhie, juöör lɔ ye them në nyiɛɛi abïk röt wääth. Juöör ke pinynɔm kedhie abïk mat, ku wëlkï nɔm ater.

Luɔi 16:39

Agokï bɛ̈n, bïk ku läŋkï keek, ku bïïkï ke bei ë aloocic, läŋkï keek an, bïk jäl pänydït.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.