Yith 40:5 - JAM DE NHIALIC 2011

⁵ Ku dhuëëŋ de Bɛ̈nydït abïï nyuɔɔth, ku abïï mɛnh ë raan tïŋ ëbɛ̈n. Ku Bɛ̈nydït guöpde acï lueel.”

Yith 40:5 ပူးပေါင်းရင်းမြစ်များ

1 Mel 14:11

Kɔc ke baaidu bï thou ë pänydïtic, abï jɔ̈k ke cam, ku ka lɔ thou roor abï cuɔɔr ke ŋueet. Ee Yɛn Bɛ̈nydït Yɛn ë jam.’”

Diɛt 102:16

Rial të le Bɛ̈nydït Dhiɔn nyɔk ë yïk, abï dïtde nyuɔɔth.

Diɛt 102:17

Abï këde kɔckɛn cï päl wei piŋ, ku jɔ lɔ̈ŋden piŋ.

Diɛt 72:19

Pianykï rinkɛn ke dhuëëŋ aɣet athɛɛr! Në dhuëëŋde thiɔ̈ŋ pinynɔm ëbɛ̈n. Amiin! Amiin!

Diɛt 96:6

Dhuëëŋde ku dïtde acïk ye gɛɛu cil, riɛl ku dik acïk tëdɛn ɣeric thiɔ̈ɔ̈ŋ.

Diɛt 97:6

Ku paannhial anyooth piathëpiɔ̈nde ku juöör kedhie awoikï dhuëëŋde.

Bɛ̈n 16:7

Miäk we bï dhuëëŋ ë Bɛ̈nydït tïŋ, në luɔi cï yen dokdun piŋ, dok duɔk wek në weyäc në Bɛ̈nydït. Ɣɛɛ, ë yic wek ë dok në yeguöp. Na wook, ee lööŋke tei kek yok luɛɛl.”

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Yith 11:9

Në Dhiɔn nɔm kuur ɣeric de Nhialic, abï ciɛ̈n kë bï raan luöi buɔ̈t ku nɔn ee kërac. Piny abï nɔm thiäŋ ke ŋïny de Bɛ̈nydït cït man ee wɛ̈ɛ̈r thiäŋ në pïïu.

Yith 26:15

Bɛ̈nydït Yïn ë jurda kueet, ku tɔ pinyde tɔ dït në tuŋ thook kedhie, ku kënë acï Yïn yiɛ̈n dhuëëŋ.

Yith 34:16

Kaarkï awerek de Bɛ̈nydït yic në biäk de ka pïïr, ku kuɛnkï kë cï lueel. Acïn töŋ de kë cï cak bï liu thïn, ku acïn kë bï nɔm ciɛ̈n kë ye kek rou. Acï Nhialic ke yɔ̈ɔ̈k bïk tɔ̈u aya. Yen guöpde abïï ke mat nïïm tëtök.

Yith 35:2

Jɔ̈ɔ̈r abï ket ku moc kiɛɛu de miɛtëpiɔ̈u. Abï läk cï läk de kuur ke Lebanɔn ku abïk ŋiëc luɔk cï luɔk de duum ë Karmel ku Caron. Raan ëbɛ̈n abï diɛk de Bɛ̈nydït tïŋ ku tïŋ riɛlde ku dïtde.

Yith 40:4

Thiäŋkï wɛ̈k yiic ëbɛ̈n, kiëëtkï kur nïïm ëbɛ̈n, kur kor abïk aa riaaŋ, ku piny de ŋɔny abïï tɔ lip.

Yith 41:20

Kɔc abïk ee kënë tïŋ ku abïk ŋic nɔn ee Yɛn Bɛ̈nydït Yɛn aa loi yen. Abïk jɔ yökic, nɔn yen Nhialic Ɣeric de Yithriɛl, yen aa tɔ ye loi rɔt.”

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 58:14

ke we bï miɛtëpiɔ̈u ee bɛ̈n në luɔidï yic yök. Wek bä tɔ rïïuwë gup ë piny nɔm ëbɛ̈n, ku we bï piɔ̈ɔ̈th miɛt piny cä gäm kuaar Jakop jɔ yök. Acä lueel Yɛn Bɛ̈nydït.”

Yith 6:3

Aake ye röt cɔɔl an, “Aɣeric Aɣeric, aɣeric! Bɛ̈nydït de rɛm aɣeric! Dhuëëŋde ë piny thiɔ̈ɔ̈ŋ nɔm.”

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Yith 66:16

Në mac ku abätäu abï kɔc ke piny nɔm ëbɛ̈n luöi këtuc, kɔc bïï ke yök ke ke cï wäc, ku kɔc juëc abïï ke nɔ̈k.

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Jeremia 32:27

“Yɛn ee Bɛ̈nydït, Nhialic de kɔc cï cak kedhie. Acïn kë rilic tëde Yɛn.

Jeremia 9:12

Guɔ lop an, “Bɛ̈nydït, eeŋö jɔ piny riääk ku jɔ riɛl abïï ciët jɔ̈ɔ̈ric, ka cïn raan ee cath thïn? Eeŋa pelnɔm arëët bï ee kënë yökic? Eeŋa cï nyuöth en ago lɔ wɛ̈ɛ̈ric kɔc kɔ̈k?”

Jowɛl 2:28

“Ku në ee kakë cök, Yɛn bï Wëikï luööŋ në kɔc gup kedhie, ka wɛ̈ɛ̈tkun, ayï duetkun abïk käŋ aa caar, röördïtkun abïk aa nyuöth, ku tïŋ dhuökkun nyuuth.

Maika 4:4

Raan ëbɛ̈n, abï ya rëër ë dïu në dom de ŋaapde thar. Acïn raandɛn bï ye bɛ aa riääc. Yen kë cïï Bɛ̈nydït de rɛm than piny ka.

Ɣabakuk 2:14

Ku piny abï thiäŋ kekë ŋïnydekäŋ de dhuëëŋ de Bɛ̈nydït, cït wɛ̈ɛ̈r thiäŋ kekë pïïu.

Dhek 2:13

Raan ëbɛ̈n ë lɔ dïu në Bɛ̈nydït nɔm, Bɛ̈nydït ë rɔt jɔt tëdɛn ɣeric rëër en thïn.

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Luk 3:6

Ku jɔ jäŋ ëbɛ̈n kuny de Nhialic tïŋ.”’

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 12:41

Kakë aake lueel Yithaya, të ɣɔn tïŋ en dhuëëŋde, ago jam në këde.

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

Luɔi 2:17

An, ‘Acï Nhialic lueel an, Miäk wadäŋ, Wëikï abä ke luööŋ ë kɔc gup kedhie. Ku wɛ̈ɛ̈tkun ku nyïïrkun abïk käŋ aa caar, ku röörkuöndït abïk aa nyuöth ë käŋ.

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.