Yith 40:28 - JAM DE NHIALIC 2011

²⁸ Cïï ŋic? Kɛ̈në piŋ? Bɛ̈nydït ee Nhialic tɔ̈u athɛɛr, ee yen aa cak ë piny thar ëbɛ̈n. Acie dak ku acie bäp. Acïn raan ee täŋde yökic.

Yith 40:28 ပူးပေါင်းရင်းမြစ်များ

Cäk 21:33

Ago Abraɣam tiim cɔl tamarith com në Biirceba, ku lɛ̈ŋ Bɛ̈nydït ëtɛ̈ɛ̈n, Nhialic tɔ̈u athɛɛr.

Jop 38:18

Dɛ nɔm täŋ duëër yïn wo lɛ̈k dït de pinynɔm? Dɔ̈kë nɔm ɛn të ŋic yïn en.

Diɛt 138:8

Yïn bï këriëëc cï yïn gutguut lueel ëbɛ̈n looi, Bɛ̈nydït nhiëërduön agɔk ee tɔ̈u athɛɛr! Thöl luɔiduön cï gɔl.

Diɛt 139:6

Ŋïny ŋic Yïn yɛn adït aläl.

Diɛt 145:3

Bɛ̈nydït adït, ku abï dhil aa piɔɔny aläl, ku dïtde acïï duëërë yök yic.

Diɛt 147:5

Adït ku Awärjäŋ yen Bɛ̈nydïïtda pɛlënɔmde acïï duëërë them.

Diɛt 90:2

Ɣɔn kënë kur kɔn cak, ku ɣɔn kënë pinynɔm kɔn bɛ̈n, Yïn ee Nhialic tɔ̈u athɛɛr, ku Yïn bï tɔ̈u aɣet athɛɛr.

Yith 37:26

“Kɛ̈në piŋ nɔn cän ye kiëët ɣɔn thɛɛr? Ku ënɔɔnë acä looi. Yïn cä gäm riɛl bï yïn pɛ̈ɛ̈nydït cï gël abïk aa kuut ke ka cï riääk.

Yith 40:21

Cïï ŋic? Kënë kɔn lɛ̈k ɣɔn thɛɛr? Kɛ̈në piŋ piny nɔm ë gɔl rɔt adï?

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 59:1

Du ye tak nɔn cïn ë Bɛ̈nydït riɛl bïï Yen we kony, ku nɔn yen miŋ ka cïï cɔ̈tduön kaar wek kuɔɔny ee piŋ!

Yith 66:9

Du ye tak nɔn bän kɔckï bɛ̈ɛ̈i të cït tëde dhiëth, ku cä ke bï tɔ dhiëth.” Acä Lueel, Yɛn Bɛ̈nydït.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 32:17

“Bɛ̈nydït Awärjäŋ, Yïn cï tënhial kekë piny cak, në riɛlduön dït, acïn kë ril arëët tëde yïn.

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Mak 16:14

Na wën, ke nyuth rɔt kɔc gup kɔc kathiëër ku tök, të rëër kek tën ee cam, ago keek jɔ̈ɔ̈ny ë rɛɛc reec kek gäm ku riɛl ril kek piɔ̈ɔ̈th, luɔi reec kek këde kɔc gam kɔc wën tïŋ en acï rɔt jɔt.

Mak 9:19

Go bɛ̈ɛ̈r, lueel an, “Rem reec gäm oou! Bä ceŋ ë weyiic ë run kadï? Bä këdun guum ë run kadï? Bɛ̈ɛ̈ikï të nuö yɛn!”

Luk 24:25

Go ke yɔ̈ɔ̈k an, “Agäi kɔc dhän oou, kɔc ë käŋ rɛɛc dap gam ka cï tït lueel kedhie!

Jɔn 14:9

Go Yecu yɔ̈ɔ̈k an, “Cä rëër wo week ë caŋɣɔn, ku ŋuɔɔtë ke yï kuc ɛn, Pilip? Raan cï a tïŋ, ka cï Wääda tïŋ aya, ku eeŋö lueel yïn en an, ‘Nyuöthë wook Wääda?’

Jɔn 5:17

Go Yecu pɔ̈k nɔm keek an, “Wäär ee luui aɣet cï ënɔɔnë, ku yɛn ee luui aya.”

Luɔi 13:47

Yen aye kë cï Bɛ̈nydït thɔ̈n wo an: ‘Yïn cä tääu bä ya këɣeer bï Juöör aa riaau, ku bä ya këde kunydewëi aɣet të le piny thar guut.”’

Romai 16:26

Ku acï tɔ tiëc ënɔɔnë, ku tɔ ŋic juöör ëbɛ̈n në kacïgɔ̈ɔ̈r ë tït, acït löŋ cïï Nhialic de pïïr athɛɛr lueel, bï kek wël aa piŋ ku gamkï ke.

1 Kor 2:16

Cït man cï këcïgɔ̈ɔ̈r ye lueel an, “Ku eeŋa ë ŋic piɔ̈n ë Bɛ̈nydït? Eeŋa bï en Wɛ̈ɛ̈t?” Ku wok ee cath në piɔ̈n de Kërtho.

1 Kor 6:16

Kuöckï ee cöökë an, Raan ë mat kekë akɔɔrröör, ke ye guöp tök kekë yen ëtök? Aa lueel, an, “Keek kaarou abïk aa guöp tök.”

1 Kor 6:19

Ku kuöckï guöpdun nɔn ee yen luaŋdïït ë Wëidït ɣer nu ë weyiic, Wëi cäk yök tëde Nhialic, ku wek cie cath ë naamdun?

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

Nyöŋ 33:27

Nhialic Yen ee we Kony aköölnyïïn, ku ciindɛn athɛɛr yen aye we luök. Ee kɔc ke aterdun cuɔp wei të la wek tueŋ, ku yöök week an riäkkï keek kedhie.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

1 Tham 2:10

Ku kɔc ke ater de Bɛ̈nydït abï keek riɔ̈ɔ̈k, abïï Bɛ̈nydït keek rɛ̈liic paannhial. Bɛ̈nydït abï kɔc ke piny thar luöi këtuc, abï riɛl gäm melikde, abï melikdɛn cï lɔc tɔ tiëm.”