Yith 40:18 - JAM DE NHIALIC 2011

¹⁸ Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 40:18 ပူးပေါင်းရင်းမြစ်များ

Jop 40:9

Yïn riɛlë cï Yɛn, Duëërë röl ciët rel ë deŋ cït man ë Yɛn.

Diɛt 113:5

Acïn raan cït Bɛ̈nydït Nhialicda. Yen arɛ̈ɛ̈r të mec nhial,

Diɛt 89:6

Bɛ̈nydït acïn raan nu paannhial cït Yïn, acïn töŋ nu në ka cï cak paannhial duëër kït ke Yïn.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Diɛt 89:8

Bɛ̈nydït Nhialic Awärjäŋ, acïn raan ril cït Yïn, Bɛ̈nydït në käŋ yiic kedhie Yïn ee piɔ̈u adöt.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 20:4

“Du rɔt lui yanh thöŋ guöp kekë kë nu nhial, ku nɔn ee yen kë nu ë tiɔp nɔm, ku nɔn ee yen kë nu në pïïuwiic në tiɔp thar piny.

Bɛ̈n 8:10

Go melik lɛ̈k en an, “Läŋë në biäkdï miäk.” Go Mothe lɛ̈k en an, “Apiɛth, yɛn bï lɔ̈ŋ në biäkdu miäk, ke bä jɔ ŋic nɔn cïn en Bɛ̈nydït däŋ kït ke Nhialicda.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 40:25

Duëërë Nhialic ɣeric jɔ thiɔ̈ŋ ŋö? De raan däŋ cït En.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 46:5

Aye Bɛ̈nydït lueel an, “Eeŋa yak thɔ̈ɔ̈ŋ në yɛn?” De raan däŋ duëër thööŋ ke yɛn?

Yith 46:9

Takkï wenïïm në kë cï rɔt looi ɣɔn thɛɛr, ŋiɛckï ee Yɛn A tök Yɛn ee Nhialic ku acïn raan däŋ cït Yɛn.

Jeremia 10:1

Baai de Yithriɛl, piɛŋkï jam lëkë Bɛ̈nydït week.

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 10:6

Bɛ̈nydït, acïn raan cït Yïn, Yïn Dït, ku rinku adïtkï ku arilkï.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Luɔi 17:29

Ku luɔi ee wok mïth ke Nhialic, ka cïï piɛth luɔi duëër wok e lueel an, Nhialic acït man ë adhääp, ku ateek, ku kuur, kë ye kɔc cuëëc ëtëët ku në cäp ee raan cak.

Nyöŋ 33:26

Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Nyöŋ 4:15

“Wään bï Bɛ̈nydït jam kekë week ë macic në kuur ë Thinai nɔm, ku wek kën guöpde tïŋ tän tɔ̈u En, në baŋ de piathdun, jakï röt tiit apiɛth

Kolothai 1:15

Yen acït guöp Nhialic Raan cïï duëërë tïŋ, ku ye kɛ̈ɛ̈i ë ka cï cak ëbɛ̈n.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,