Yith 40:15 - JAM DE NHIALIC 2011

¹⁵ Tëde Bɛ̈nydït juöör acïnkï naamden, acïtkï nyin ë pïïu ee thuat, tur mec apiɔlkï cï abuui.

Yith 40:15 ပူးပေါင်းရင်းမြစ်များ

Cäk 10:5

Kek aye kuarken ë kɔc rɛ̈ɛ̈r në wɛ̈ɛ̈r yɔu, ku kɔc rɛ̈ɛ̈r në tuööriic. Kakë ee kek ee käu de Japeth, aake rɛ̈ɛ̈r ë ke ye juöör tɛkiic pinyden, në thookken, ku bɛ̈iken.

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Diɛt 62:9

Kɔc kedhie acïtkï wëi, në pial, röördït ku kɔc kor acïnkï naamden. Na them ke në athëm, acïnkï kuën, keek apiɔlkï awär wëi.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 17:13

Juöör abïkï cït man ë kuëër riŋ arëët, ku acï Nhialic ke rɛ̈l yiic, gokï röt miɛɛt ciëën, acï ke kuaath cï tɔɔr nu ë kur yiic, ku cïtkï wal riŋ ë kɔɔric.

Yith 2:22

Duökï aŋäth ee tääu në raan ee thou guöp. Eeŋö yen ee piathden?

Yith 29:5

Jeruthalem, juöör alɛi cï yïn mak ëbɛ̈n, abïï ke kuɔɔth wei cït man ë abuui, ku remdɛn ë tɔŋ cï riɔ̈ɔ̈c abïk wɛɛr cï wal ë gɔp yom. Ë thiäu ke kuckï

Yith 40:22

Aa looi ë raan cï nyuc në thööcde nɔm nhial në piny nɔm ku tënhial kɔ̈u, kɔc ayek ciët amujuŋ të woi yen keek piny, go tënhial thieth cï lupɔ, ku cït paany të ceŋ.

Yith 41:5

“Acï kɔc tɔ̈u në wɛ̈ɛ̈r thok tïŋ agokï riɔ̈ɔ̈c, ku päu kɔc ke piny thar ku lɛthë ë keek, gokï keyiic määt ku bïkkï.

Yith 59:18

Abï kɔc ke aterde luöi këtuc rɔ̈ŋ ke awɛ̈ɛ̈c cïk looi, aɣet cï kɔc rɛ̈ɛ̈r në piiny mec yiic.

Yith 66:19

ku abïk ŋic nɔn ee Yɛn ee kɔc luöi këtuc. “Ku yɛn bï kɔ̈k pɔ̈l në keyiic ku tuɔɔc keek në juöör yiic ëbɛ̈n, ë piiny mec yiic, kɔc kën kɛkdï kɔn piŋ, ku kënkï dïtdï ku riɛldï tïŋ: të lɔ Tarcic, ku Put, ku Ludia, kekë kɔckɛn ŋic muny de dhaŋ, ku lee Tubal ku Girikii. Në ye juöörkë yiic abïk dïtdï lɔ luɛɛl.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Danyel 11:18

Në ee kakë cök abï juöör mak në kueer wïïr ku abï kajuëc nööm ë keyiic. Ku abïï bɛ̈ny alei yen tiaam, ku jɔ lɛcde tɔ kääc, ku ëtɛ̈ɛ̈n abï lɛc de melik de Thiriya pɔ̈k rɔt.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.