Yith 40:1 - JAM DE NHIALIC 2011

¹ Aye Bɛ̈nydït lueel an, “Dut kɔckï piɔ̈ɔ̈th, dut ke piɔ̈ɔ̈th!”

Yith 40:1 ပူးပေါင်းရင်းမြစ်များ

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Diɛt 85:3

Yïn cï agönhdu pɔ̈l we keek, ku mɔ̈kë ŋeenyduön dït ë Yïpiɔ̈u.

Diɛt 85:8

Yɛn piŋ kë lueel ë Bɛ̈nydït Nhialic, acï wook lɛ̈k gutguut ë biäk de mät, wook kɔc ke naamde, na cukku be lɔ në kuɛɛrkuɔn raciic.

Wɛ̈ɛ̈t 3:4

Ade kööl ë dhiëëu, ku kööl ë dɔl, ade kööl ë dhiënëpiɔ̈u, ku kööl ë miɛtëpiɔ̈u.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Yith 41:27

Ee Yɛn Bɛ̈nydït, Yɛn ë kɔn Dhiɔn lɛ̈k wëlpiɛth, Yɛn cï tuuc tuɔɔc Jeruthalem bïï lɔ lueel an, ‘Kɔcku abïkï! Abïk baai!’

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 51:12

Aye Bɛ̈nydït lueel an, “Yɛn ee raan ë tɔ we ril. Eeŋö ya wek riɔ̈ɔ̈c në mɛnh ë raan, kɔc cie ceŋ cï wäl?

Yith 51:3

“Yɛn bï Jeruthalem nyuöth kokëpiɔ̈u, nyuöth raan ëbɛ̈n raan rɛ̈ɛ̈r në ye ɣööt cï riääk yiic. Na cakaa nɔn ye pinyde jɔ̈ɔ̈r, abä tɔ ee dom, abï ciët dom cä com ë Eden. Dhuëëŋ ku miɛtëpiɔ̈u abïk tɔ̈u ëtɛ̈ɛ̈n, ku diɛt ke thieithieei ku lɛ̈c leecë Yɛn.

Yith 52:9

Luɔikï awuɔɔu de miɛt ë piɔ̈u, we kak cï riääk ke Jeruthalem! Bɛ̈nydït abï pänydïïtde luök, ku riit kɔcke piɔ̈ɔ̈th.

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Yith 61:2

Acï ya tooc bä kɔc bɛ̈n lɛ̈k luɔi cï akööl bɛ̈n, kööl bïï Bɛ̈nydït kɔcke kony ku tiɛɛm kɔc ke aterden. Acï ya tuööc bä kɔc dhiau duut piɔ̈u ëbɛ̈n.

Edhekiɛl 16:42

Ku ëtɛ̈ɛ̈n agönhdï abï nɔm lɔ, ku yɛn bï lɔ lik ke cïn kë luɛɛl. Yɛn cïï bï bɛ gɔ̈th ku acïn tiɛɛl bï ya dɔm.

Dhek 1:13

Go Bɛ̈nydït tunynhial jam ke yen puɔ̈k nɔm jam piɛth, ku bïï piɔ̈u.

Dhek 1:17

Ku be ë tunynhial lɛ̈k ɛn nɔn luɛɛl ɛn en an, “Acï Bɛ̈nydït de rɛm lueel nɔn bï pɛ̈ɛ̈nydïtke bɛ bäny, ku lueel nɔn bï yen Jeruthalem bɛ kuɔny, ku nyuooth nɔn yen wunde.’’

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

2 Kor 1:4

Raan ë wo muk piɔ̈ɔ̈th në ka dhal wook ëbɛ̈n, luɔi bï wo kɔc ŋiëc muk piɔ̈ɔ̈th kɔc cïï këdäŋ dhal, në muŋ cï wo muk piɔ̈ɔ̈th në Nhialic wogup.

1 Theth 4:18

Yen ya wek wepiɔ̈ɔ̈th muk wapäc në wëlkë.