Yith 39:3 - JAM DE NHIALIC 2011

³ Na wën ke tiët ë Nhialic Yithaya lɔ tëde melik Ɣedhekia, ku lop an, “Ë ke bɔ̈ tënou ku eeŋö cïk lueel?” Go ë Ɣedhekia bɛ̈ɛ̈r an, “Aake bɔ̈ piny mec, në Babilonia.

Yith 39:3 ပူးပေါင်းရင်းမြစ်များ

2 Tham 12:1

Go Bɛ̈nydït Nathan tuöc Debid. Na wën aa lee bɛ̈n tëde yen, go lueel an, “Ade kɔc kaarou ë rɛ̈ɛ̈r ee wuntöŋë, raan tök akueth, ku raan däŋë akuany nyin.

2 Lëk 16:7

Na ɣɔn aköölkë yiic ke Ɣanani monydaai lɔ tëde melik Atha ku lueel an, “Në biäk cïï yïn rɔt kan në melik de Thiriya ku päl nɔn kɛn yïn rɔt në Bɛ̈nydït Nhialicdu, yen kën ë tɔ rem de tɔŋ ë melik de Yithriɛl bän ë yïciin ka.

2 Lëk 19:2

Na wën ke Jeɣu wën de Ɣanani monydaai, lɔ rɔ̈m kekë melik ku lëk en an, “Ye tak ee yic bä kɔc ee karɛc looi kony, kɔɔr bä lɔ kɔ̈ɔ̈c we kɔc man Bɛ̈nydït? Kë cï looiyë acï agönh de Bɛ̈nydït bɛ̈ɛ̈i ë yïguöp.

2 Lëk 25:15

Kënë acï Bɛ̈nydït bɛ̈n tɔ göth, ago tiët tuöc Amadhia, go ë tiët lɛ̈k en an, “Eeŋö tɔ yïn lam yiëth ke alɛi, yiëth kën kɔcken lëu në kuny në riɛl cath ke week?”

Yith 38:1

Në ë kaamë yic melik Ɣedhekia aacï ë jɔk dɔm ku aacï thiɔ̈k ke thuɔɔu, go tiët ë Nhialic Yithaya wën Amodh yen lɔ tïŋ ku lɛ̈k ɛn an, “Alëk ë Bɛ̈nydït yïn an coc kaku ëbɛ̈n jɔŋ nu ë yïguöp acï bï thök, abï yï nɔ̈k.”

Yith 38:5

bïï yenɔm pɔ̈k tëde Ɣedhekia, ku lɛ̈k yen an, “Kë lueel Bɛ̈nydït Nhialic de kuaar Debid kï: Yɛn ë lɔ̈ŋdu piŋ ku tiëŋ pïïu ke yïn nyin. Yïn bä ŋuak në run kathiëër ku dhïc kɔ̈k bï yïn ke bɛ pïïr.

Yith 39:4

“Eeŋö cïk tïŋ ɣöndït ë bɛ̈ny?” Go ë Ɣedhekia bɛ̈ɛ̈r an, “Acïk këriëëc ëbɛ̈n tïŋ. Acïn të cï döŋ në ɣööt ye käŋ tɔ̈ɔ̈u thïn ke kɛ̈n nyuöth keek.”

Jeremia 4:16

Abïk juöör bɛ̈n jɔ̈ɔ̈ny ku lëkkï Jeruthalem nɔn bïï kɔc ke ater piny mec. Kek kɔc ke ater abïkï ke ke wuou ku lɛ̈ɛ̈tkï pɛ̈ɛ̈nydït ke Juda

Jeremia 5:15

Baai de Yithriɛl, Bɛ̈nydït abï jur bɛ̈ɛ̈i tëmec bïï we bɛ̈n mak. Ee jur thɛɛr ku ril, jur cä wek thoŋde ŋic.

Jeremia 8:19

Piɛŋkï! Piny yic ëbɛ̈n, Yɛn ee kɔckï piŋ röt ke ke dhiau an, “Cïï Bɛ̈nydït be tɔ̈u ë Dhiɔn? Cïï melikde bï tɔ̈u ëtɛ̈ɛ̈n?” Go Bɛ̈nydït melikden bɛ̈ɛ̈r an, “Eeŋö ta wek Ɛn göth ë lam ë yiëthkun, ku eeŋö ya wek we nïïm guöt piny në yiëth nïïm?”

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.

Jocua 9:6

Ku lekkï Gilgal të cïï wut piɔ̈ɔ̈t thïn lekkï ku lëkkï Jocua kekë kɔc ke Yithriɛl, “Wok bɔ̈ piny mec arëët. Akɔɔrku luɔi bä wek mät looi në wook.

Jocua 9:9

Agokï pɔ̈k nɔm Jocua an, “Wok aa bɔ̈ piny mec arëët bɛ̈ny, në luɔi cïï wok Bɛ̈nydït Nhialicdun piŋ. Këriëëc cï looi Rip ëbɛ̈n acuk piŋ,