Yith 38:19 - JAM DE NHIALIC 2011

¹⁹ Ee kɔc pïïr kek aye yïn leec, cït man lɛɛc ɛn Yïn ënɔɔnë. Wärken ke mïth ku märken ke mïth, ayek mïthken lɛ̈k piɔ̈nduön adöt.

Yith 38:19 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Diɛt 118:17

Yɛn cï bï thou, ku yɛn bï pïïr, ku bä kë cï Bɛ̈nydït looi guiir.

Diɛt 119:175

Gämë yɛn pïïr, aguɔ Yïn aa leec, në wëëtdu kony yɛn.

Diɛt 145:4

Kë cï looi abïï aa leec ë rem tɔ̈u ënɔɔnë ayï rɛm bï lɔ̈ɔ̈k bɛ̈n, abïk kadït cï looi aa luɛɛl.

Diɛt 146:2

Abä ya leec në pïïrdï yic ëbɛ̈n, yɛn bï Nhialinydï kɛ̈t diɛt ë pïïrdï yic ëbɛ̈n.

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Jowɛl 1:3

Lɛ̈kkï mïthkun, ku takï lëk ë mïthkun mïthken, ku takï lëk ë mïth ke mïthken rem bï lɔ̈ɔ̈k bɛ̈n.

Jɔn 9:4

Yɛn bï luɔi dhil aa looi, luɔi ë raan ë toc ɛn, të ŋootë piny ke ye aköl: wakɔ̈u abɔ̈, të cïn raan duëër luui.

Nyöŋ 11:19

Wɛ̈ɛ̈tkï mïthkun në keek. Yak jam në biäkden të täu wek baai, ayï të liɛɛu wek baai, ayï të läŋ wek, ayï të luööi wek.

Nyöŋ 4:10

Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 6:7

Wɛ̈ɛ̈tkï mïthkun në keek, yakï ke nyɔ̈ɔ̈kiic të rɛ̈ɛ̈r wek baai ayï të rɛ̈ɛ̈r wek tëmec ayï të cä wek lɔ̈ŋ ayï të luööi wek.