Yith 37:36 - JAM DE NHIALIC 2011

³⁶ Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Yith 37:36 ပူးပေါင်းရင်းမြစ်များ

2 Tham 24:16

Na wën aa kɔɔr tunynhial ë Bɛ̈nydït an riëëk Jeruthalem, go Bɛ̈nydït piɔ̈u kok në kërɛɛc dït cït ee kënë, go lɛ̈k tunynhial wën näk kɔc an, “Kääcë! Kënë acï loi!” Ku tunynhial aacï thiääk kekë tëde käm de Arauna raan de Jebuth.

2 Mel 19:35

Në ee wɛ̈ɛ̈rë yic go tunynhial ë Bɛ̈nydït lɔ wun cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ, na ɣɔn amiäk aa lɔ kɔc pääc, ke kɔc cï döŋ apïr ke ke tïŋ kɔc cï thou adhɔt piny.

1 Lëk 21:12

Run kadiäk ke cɔk? Ku nɔn ee pɛ̈i kadiäk, bïï kɔc ke riŋ ë rem de tɔŋ de kɔckuön ke ater? Ku nɔn ee nïn kadiäk bï Bɛ̈nydït kɔc riɔ̈ɔ̈k, bïï we mak në abätäude, ku tuc we jɔɔk ee kɔc thöl pinydun, ku tunynhial ë Bɛ̈nydït abï thuɔɔu bɛ̈ɛ̈i piny de Yithriɛl ëbɛ̈n, ee thoŋ ou yen bä pɔ̈k nɔm Bɛ̈nydït bä lɔ lɛ̈k en?”

1 Lëk 21:16

Go Debid tunynhial ë Bɛ̈nydït tïŋ ke kääc e kaam de të nhial ku piny, ke muk abätäu ë yeciin, ke cï rɔt coc bï Jeruthalem riɔ̈ɔ̈k. Go Debid ku bänyke ke ke ceŋ lupɔɔ ke cual ë kekɔ̈ɔ̈th, gokï kenïïm guöt piny abïk piny jak ë kenïïm.

Jop 24:24

Aye ke jat nhial tëthiinakäŋ ku riëërkï cït man ë kɔc kɔ̈k, ku mɛ̈ɛ̈të ke nïïm cït man ë rap në kööl ë tëm.

Jop 34:20

Raan aduëër thou wakɔ̈u ëthiäu. Nhialic ee raan yuöp piny ku riëër nyin, Yen ee raan ril nɔ̈k ke cïn raan kony en.

Bɛ̈n 12:23

Ku të le Bɛ̈nydït Rip caathic ke näk kɔc ke Rip, abï riɛm tïŋ ɣöt thok baŋë ku baŋë, ku baŋ nhial, ka cïï tuunynhial ë thuɔɔu bï bɛ tɔ lɔ ɣöndun le we nɔ̈k.

Bɛ̈n 12:30

Acïn ɣön töŋ ë kën ë raan thou thïn në ee wɛ̈ɛ̈rë yic. Go kiɛɛu dïït agök lɔ nok Rip. Go melik pääc ku pääc bänyke ku kɔc ke Rip.

Yith 10:12

Ku acïï bɛ̈nydït lueel an, “Të cän kë luɔi thöl në kuur ë Dhiɔn kekë Jeruthalem, Yɛn bï melik de Athiriya luöi këtuc, në biäk yen ë nɔm ɣääc ku leec rɔt.”

Yith 10:25

Ee kaam thiin akäŋ tei, yen abï këtuc luöi week thök, ku ëtɛ̈ɛ̈n abä ke jɔ riɔ̈ɔ̈k.

Yith 10:26

Yɛn Bɛ̈nydït de rɛm, abä ke dui në thienydï cït man ɣɔn duöi Yɛn kɔc ke Midian në kuur ë Orep thar. Yɛn bï kɔc ke Athiriya luöi këtuc cït man wään cän kɔc ke Rip luöi këtuc.

Yith 27:7

Bɛ̈nydït akën Yithriɛl luöi këtuc arëët cït këtuc cï luöi kɔc ke aterden, ku akën näk në ke yiic aläl cït man ë kek.

Yith 29:5

Jeruthalem, juöör alɛi cï yïn mak ëbɛ̈n, abïï ke kuɔɔth wei cït man ë abuui, ku remdɛn ë tɔŋ cï riɔ̈ɔ̈c abïk wɛɛr cï wal ë gɔp yom. Ë thiäu ke kuckï

Yith 31:8

Athiriya Abï riɔ̈ɔ̈k tɔŋ, ku acie riɛl mɛnh ë raan. Kɔc ke Athiriya abïk kat në tɔŋ, ku dhuökken abïï ke tɔ ee lïïm.

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Maika 5:6

Abïk Athiriya peec në riɛl, ku rumkï piny de Nimrɔt kuɛɛrëden në tɔŋ. Abïk wook luök në Athiriya të le kek akenda lïïr nɔm, ku konykï wook të le kek tɔŋ bɛ̈ɛ̈i pinyda.

Naɣum 1:12

Kë ye Bɛ̈nydït lueel kï an, “Na cakaa nɔn juëc ë kɔc ke Athiriya, ku rilkï, abä ke riɔ̈ɔ̈r nyïïn ka bïk liu. Na cakaa nɔn cän week luöi këtuc wek kɔckï, wek cä keek bï bɛ nyɔk ë luöi Ɛn week këtuc.

Naɣum 3:3

Kɔc ke jöŋgöör alek tɔŋ, në abätɛ̈ɛ̈u ariauriau, ku tɔɔŋ lɔ bilbil. Ku näk kɔc juëc, ka kɔc cï thou acïk kenïïm dɔ̈ɔ̈r në akuut juëc arëët, ku acïï ke duëërë lëu në kuɛ̈n, ago kɔc ë bïï tɔŋ aa kɔ̈th në keek!

Luɔi 12:23

Na wën, ee tëthiinë, ke yup tunynhial de Bɛ̈nydït, luɔi kën en Nhialic leec, go käm cam, go thou.