Yith 37:31 - JAM DE NHIALIC 2011

³¹ Kɔc nu ë Juda bï döŋ apïïr abïk thäär lɔ piny cït man ë tim cï meike ɣet ë tiɔpic ku lokkï ë mïth juëc.

Yith 37:31 ပူးပေါင်းရင်းမြစ်များ

Diɛt 80:9

Yïn cï piny kuaar në biäk bïï yen luɔk, meike acïk ɣet piny, go thiɛ̈i ë pinynɔm ëbɛ̈n.

Diɛt 92:14

tiim ee ŋuɔl ë mïth ke ke cï dhiɔp ku ayek tɔ̈c ku rilkï ëceŋ.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Yith 37:4

Melik de Athiriya acï Rabcaka bɛ̈ny de remdɛn ë tɔŋ tuööc bïï Nhialic pïïr läät. Bɛ̈nydït Nhialicda abï lɛ̈ɛ̈t lɛ̈ɛ̈t ë Yen piŋ, ku lui këtuc kɔc ë luel keek. Bä läŋ Nhialic në biäk de kɔckuɔn cï döŋ apïr.”

Yith 4:2

Ade kööl bɔ̈, kööl bï Bɛ̈nydït tiim ee luɔk ë mïth piath ëbɛ̈n piny thiɔ̈ɔ̈ŋ tëdïït lääu, ku bïk yïth piath. Kɔc ke Yithriɛl cï döŋ apïr kedhie, abïk piɔ̈ɔ̈th miɛt ku yek kepiɔ̈ɔ̈th biɔ̈ɔ̈k në kɔ̈thiic kɔ̈th cï luɔk pinyden.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Yith 65:9

Yɛn bï athiɛɛidï gäm kɔc ke Yithriɛl, kɔc ke dhiën ë Juda ku kuatden abïk dɛk pinydiën de kur. Kɔckiën cä lɔc ee ya luööi abïk rëër ëtɛ̈ɛ̈n.

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 31:7

Aye Bɛ̈nydït lueel an, “Kiɛtkï diɛt ke miɛtëpiɔ̈u në biäk ë Yithriɛl, jurdït ë juööriic. Kiɛtkï diɛtkuön ke alɛɛc, an, ‘Bɛ̈nydït acï kɔcke luök, acï kɔc cï döŋ kedhie kony.’

Jeremia 44:28

Ku kɔc liaakäŋ ë weyiic abïk poth ë thuɔɔu thok, ku abïk bɛ̈n ciëën ë Rip lekkï Juda. Ku abïï kɔc pïïr jɔ ŋic ee jam de ŋa yen cïï aa yic, ee këdï ku ee këden.

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Romai 11:5

Ku yen ënɔɔnë aya, ade biäk ë kɔc lik cï döŋ anu në kë cï lɔc në dhuëëŋdepiɔ̈u.

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.