Yith 37:27 - JAM DE NHIALIC 2011

²⁷ Kɔc ë rɛ̈ɛ̈r ëtɛ̈ɛ̈n aake cïn nïïm riɛl, aake cï riɔ̈ɔ̈c ku mumkï nïïm. Aake cït wal cï cil ë duum yiic ku ɣööt nïïm të cïï yom tuc de aköl amiäk pɔ̈t aye ke gap wei.

Yith 37:27 ပူးပေါင်းရင်းမြစ်များ

Cäk 41:6

Ku löök nïïm kɔ̈k ke rap kadhorou luɔk ke ke kor nïïm, ku cïnkï nyïïn rap apiɛth në biäk de abiɔ̈r ë yom de aköl amiäk.

2 Mel 19:26

Yen aa cïn ë kɔc rɛ̈ɛ̈r ëtɛ̈ɛ̈n nïïm riɛl, ku yek riɔ̈ɔ̈c ku mumkï nïïm. Ayek ciët wal cil ë duumiic ku ɣööt nïïm cïï tuöc ë yom bɔ̈ në aköl amiäk nɔ̈k të kën kek kɔn dït.

Diɛt 103:15

Ku në biäkda, pïïrda athöŋ ke wal, wek ë dït abuk luak cït man ë wɛl tɔ̈u roor.

Diɛt 129:6

Tɔ ke cït wal ee cil ë ɣööt nïïm, wal ee biɔɔr ke ke kën kɔn dït,

Diɛt 37:2

Abïk dap riäär ëthiäu cït man ë wal ee riɛl, abïk biɔɔr cït man anin.

Diɛt 92:7

kɔc ee karɛc looi ayek cil cï wal, ku kueth kɔc ee awɛ̈ɛ̈c looi, ku abïk ŋoot ke ke riäär taitai,

Yith 19:16

Kööl abɔ̈ kööl bïï ë kɔc ke Rip röt kuɔɔr piny cï diäär. Abïï ke lath në riɔ̈ɔ̈c të le kek Bɛ̈nydït de rɛm tïŋ ke jɔt yeciin bïï ke luöi këtuc.

Jeremia 37:10

Cakaa wek ë tiam rem de tɔŋ ë Babilonia ëbɛ̈n, abï kɔc de gup tëtöök döŋ, ke ke nin ë pɛɛnyken yiic, kek ee röörkë abïk ŋoot ke ke jɔt röt ku nyopkï pänydït piny.”

Jeremia 5:10

Yɛn bï kɔc ke ater tooc bïk tim de enap de kɔckï lɔ yɛp piny, ku acïkï keek bïï riɔ̈ɔ̈k taitai. Abä keek yɔ̈ɔ̈k bïk kër tɛm nïïm wei, në cïï ee kërkë ee kakï.

Edhekiɛl 35:13

Yɛn cï jam rɛɛc de lɛc ya wek ya jääm guöp piŋ.”

Kuɛ̈n 14:9

Duökï göth në Bɛ̈nydït, ku duökï riɔ̈c në kɔc cieŋ piny. Abuk keek rum ëthiäu, Bɛ̈nydït atɔ̈u ke wook, ku ë yiëth tiaam, yiëth wään ee keek kuɔny. Ka week duökï riɔ̈c.

Math 10:27

Kë ye lɛ̈k week tëcol, yak lueel, tëɣer, ku kë yak piŋ ë yïcic, yak guiir ë ɣööt nïïm.

1 Pet 1:24

Raan ëbɛ̈n acït wäl, “ku dhuëëŋ de raan ëbɛ̈n acït gaak ee wäl moc. Wäl ee biɔɔr, ku jɔ gaak cï moc aa lööny piny: