Yith 37:20 - JAM DE NHIALIC 2011

²⁰ Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 37:20 ပူးပေါင်းရင်းမြစ်များ

1 Mel 8:43

ke Yï jɔ lɔ̈ŋden piŋ. Paannhial të rëër Yïn thïn, ku luöiyë ke kë cïk thiëc tëde Yïn, ago kɔc ke pinynɔm ëbɛ̈n Yïn ŋic, ku rïïukï Yïn cït nɔn ye kɔckuön ke Yithriɛl ye looi, ku ëtɛ̈ɛ̈n abïk ŋic an Luaŋdïït cä looiyë, ee të bï Yïn aa lɔ̈ŋ thïn.

1 Mel 8:59

Në Bɛ̈nydït Nhialicda ye Yenɔm tak në ee lɔ̈ŋë në aköölnyïïn ëbɛ̈n, ku pal cän En pal. Tɔ kok piɔ̈u anande ke kɔckɛn ke Yithriɛl, ku bɛ̈nyden, ku gëm wo këcamdan ë aköölnyïïn.

1 Mel 8:60

Ku abïï kɔc ke pinynɔm ëbɛ̈n ŋic an Bɛ̈nydït Yen ee Nhialic, ku acïn däŋ.

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Diɛt 59:13

Riɔ̈ɔ̈r keek në ŋeenydu, riɔ̈ɔ̈r keek taitai. Ago raan ëbɛ̈n jɔ ŋic nɔn mɛc ë Nhialic Yithriɛl, ku riɛlde ee ɣet ë piny thar ëbɛ̈n.

Yith 25:9

Të le yen rɔt looi, abï raan ëbɛ̈n aa lueel an, “Yen ee Nhialicda! Wo cï aŋäthda tääu ë Yeguöp, ku ë wo luök. Yen ee Bɛ̈nydït! Wok cï aŋäthda tääu në Ye guöp, ku ënɔɔnë wok mit piɔ̈ɔ̈th ku yok dɔl në luɔi cï Yen wo kony.”

Yith 33:22

Tɔŋdɛn biökkï në abëël wïïrken yiic acïnkï thaarden, acïn raan bï jam ë gɛ̈ɛ̈r luɛɛl! Wo bï kajuëc ke rem de tɔŋ de ater tɛ̈k röt, ku abïk juëc aläl ayï ŋɔl abïï tɛ̈k. Bɛ̈nydït guöp yen abï aa meliŋda, abï we mac ë Yen ku gël wook.

Yith 35:4

lɛ̈kë raan cï piɔ̈u jiɛth ëbɛ̈n an, “Tɔ rɔt ril ku du riɔ̈c! Bɛ̈nydït abï yïn bɛ̈n luök, abï kɔc ke aterdu bɛ̈n luöi këtuc.”

Yith 37:16

“Bɛ̈nydït de rɛm, Nhialic de Yithriɛl, thöönydu anu ë kaam de wuök ke cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Yith 42:8

“Ee Yɛn Yatök, Yɛn aye Bɛ̈nydït Nhialicdun. Acïn yanh däŋ rɔm ɛn ke dhuëëŋ wo yen, Yɛn cïï lɛcdï duëër rɔm wo yiëth.

Yith 45:5

“Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Edhekiɛl 36:23

Të lan juöör nyuöth ɣɛɛr ë yic de rinkiën dït, rin cäk yɔ̈ɔ̈r në keyiic, ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel, Yɛn Bɛ̈nydït Awärjäŋ. Wek bä keek luööi aguɔ nyuöth juöör ŋic nɔn ɣɛɛr Yɛn yic.

Edhekiɛl 39:21

Go Bɛ̈nydït lueel an, “Yɛn bï juöör tɔ tïŋ dhuëëŋdï, ku nyuöth keek luɔi ee Yɛn riɛldï tɔ loi löŋdiën yic cä lueel.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.