Yith 36:22 - JAM DE NHIALIC 2011

²² Ëtɛ̈ɛ̈n go Eliakim ku Cebana ku Jowa lupɔɔken rɛtiic ë kekɔ̈ɔ̈th, në dhiënëpiɔ̈u, ku lekkï tëde Ɣedhekia, ku lëkkï kë cï Rabcaka bɛ̈ny ë rem de tɔŋ de Athiriya lueel.

Yith 36:22 ပူးပေါင်းရင်းမြစ်များ

2 Mel 18:18

Na wën ke ke cɔl melik Ɣedhekia, go bänyke kadiäk lɔ rɔ̈m ë yen, yï Eliakim wën de Ɣilikia raan ee kake baai de melik gɔ̈ɔ̈r, ku Cebana raan ee kake göny gɔ̈ɔ̈r, ku Jowa wën de Athap raan ee ka cï gɔ̈ɔ̈r muk.

2 Mel 5:7

Na wën, aacï melik de Yithriɛl awerek kueenic, ke ret lupɔɔke yiic ku lueel, an, “Kënë ë tɛk ë melik de Thiriya adï? Ye tak an ya Nhialic, Raan de riɛl de pïïr ku thuɔɔu? Atiëc ëgɔk nɔn kɔɔr en bïï tɔŋ looi kekë yɛn!”

Edhr 9:3

Na wën aa piɛŋ ee kënë, guɔ lupɔɔkï rɛtiic ë yakɔ̈u në dhiën ë piɔ̈u, ku nyuän nhïm bei në yanɔm ku yathok, ku nyuööc piny ke ya cï ŋɛɛr ku ja thuc.

Yith 22:15

Bɛ̈nydït Awärjäŋ ë ya yɔ̈ɔ̈k laar tëde Cebana, bɛ̈ny muk ka baai de Bɛ̈ny ku lɛ̈k en an,

Yith 22:20

Go Bɛ̈nydït lɛ̈k Cebana an, “Të lee ee kënë lɔ tuöl, Yɛn bï awundï Eliakim wën ë Ɣilikia cɔɔl.

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 33:7

Kɔc ril ke tɔŋ adhiëëukï kuɔɔny. Kɔc cï tuɔɔc an lek mät looi adhiaukï në dhiën rac.

Yith 36:11

Ëtɛ̈ɛ̈n go Eliakim ku Cebana ku Jowa lɛ̈k Rabcaka bɛ̈ny ë rem de tɔŋ an, “Jam në thoŋ de Aram ku abuk piŋ. Du jam we wook në thoŋ de Ɣeberuu, ke cïï kɔc bï piŋ ëbɛ̈n kɔc nu ë kal ë pänydït kɔ̈u.”

Yith 36:3

Go kɔc ke Juda kadiäk bɛ̈n bïk bɛ̈n jam në yen: Eliakim wën de Ɣilikia, bɛ̈ny muk kake ɣön de bääny, ku Cebana raan ee kake gööny gɔ̈ɔ̈r, ku Jowa wën de Athap raan ee ka cï gäär piny në awereek yiic muk.

Jeremia 36:24

Ku melik ku bänyke akënkï bɛ̈n riɔ̈ɔ̈c wën piŋ kek ee jamë, ku akënkï luöi cï kek wäc nyuɔɔth aya.

Math 26:65

Na wën, ke bɛ̈nydïït ë kake Nhialic ke ret lupɔɔke yiic, ku lueel an, “Acï Nhialic lat! Eeŋö däŋ köörku cäätɔɔ kɔ̈k! Tiëŋkï, wek cï lɛ̈tde piŋ, lɛ̈t lɛ̈ɛ̈t en Nhialic!